18 հունվար, 2021 13:25 Նախագահը ստացել է Արսեն Թորոսյանի՝ առողջապահության նախարարի պաշտոնից ազատման դիմումը Մամուլում շրջանառվող տեղեկությունների համաձայն՝ Արսեն Թորոսյանը նշանակվելու է վարչապետի աշխատակազմի ղեկավար՝ Էդուարդ Աղաջանյանի փոխարեն։ 18 հունվար, 2021 13:13 ՊԵԿ 400 աշխատակիցներ զենք կունենան Պետական եկամուտների կոմիտեի օպերատիվ աշխատակիցներին կտրամադրվի հաշվեցուցակային զենք։ Հարցը հունվարի 18-ին քննարկվեց խորհրդարանի լիագումար նիստում։ 18 հունվար, 2021 12:12 Մենք պատրաստ ենք արտահերթ ընտրությունների. Էդմոն Մարուքյան «Լուսավոր Հայաստան» խմբակցության ղեկավար Էդմոն Մարուքյանը չի պատկերացնում, թե ինչպես է ներկայում հնարավոր կազմակերպել արտահերթ խորհրդարանական ընտրություններ, երբ Ադրբեջանում գերիներ կան, մեծ թվով զոհված զինծառայողների մարմինների ճանաչման գործընթաց կա։ Նա հիշեցնում է արտահերթ ընտրության ընթացակարգը․ դրա համար նախ պիտի վարչապետը հրաժարական ներկայացնի, երկու անգամ նոր վարչապետ չընտրվի ու հետագայում կազմակերպվի արտահերթ։
18 հունվար, 2021 11:08 Ադրբեջանի նախագահը Հայաստանի բնակչության մասին խոսում է ցեղասպանության բացահայտ սպառնալիքներով. Թաթոյան Ադրբեջանի նախագահը [և իշխանության մյուս մարմինները] ողջ հայ ժողովրդի ու Հայաստանի բնակչության մասին խոսում են էթնիկ զտումների ու ցեղասպանության բացահայտ սպառնալիքներով, հայտարարում է Հայաստանի մարդու իրավունքների պաշտպան Արման Թաթոյանը։ 18 հունվար, 2021 10:40 Ինչպես պետք է Հայաստանը հարաբերվի Ռուսաստանի ու Չինաստանի հետ. Տարոն Սիմոնյան Ազգային ժողովի Լուսավոր Հայաստան խմբակցության պատգամավոր Տարոն Սիմոնյանը կարծում է, որ Հայաստանի դիվանագիտությունը մեծ սխալներ է թույլ տվել Ռուսաստանի և Չինաստանի հետ հարաբերություններում։ Նա ՍիվիլՆեթի Արշալույս Մղդեսյանի հետ զրույցում նշում է, որ վերջին երկու տարում Ռուսաստանի հետ հարաբերությունները դարձել են անհասկանալի, իսկ Չինաստանի հետ կապերը թուլացել են։ Նրա խոսքով՝ ի տարբերություն Հայաստանի՝ հարևան Վրաստանն ու Ադրբեջանը Չինաստանի հետ հարաբերությունների խորացման գործուն քայլեր են ձեռնարկում։
17 հունվար, 2021 11:03 Արարատ Միրզոյանի՝ գործակալ լինելու տեղեկատվությունն ակնհայտ սուտ է․ ԱԱԾ Ազգային անվտանգության ծառայությունն արձագանքել է Վատիկանում Հայաստանի նախկին դեսպան Միքայել Մինասյանի հրապարակած տեղեկությանն այն մասին, որ Ազգային ժողովի նախագահ Արարատ Միրզոյանն իբր թուրքական հատուկ ծառայությունների գործակալ է եղել։ Արարատ Միրզոյանը, արձագանքելով մեղադրանքներին, գրել է․ «Մ.Մինասյանի հերթական ցնդաբանությունը պետք է արժանանա պատշաճ քրեաիրավական գնահատականի և Մինասյանը պետք է պատասխան տա նաև այս սուտ մատնության համար»։ 16 հունվար, 2021 18:42 Վերջին երկու տարում պետությունը բավական թուլացրել է բիզնեսին աջակցելու գործիքները․ փորձագետ Փոքր և միջին ձեռնարկատիրության զարգացման հարցերով փորձագետ Կարեն Գևորգյանը կարծում է, որ կորոնավիրուսի ու պատերազմի շոկերը հաղթահարելու համար փոքր և միջին բիզնեսը պետության գործուն աջակցության կարիքն ունի։ ՍիվիլՆեթի հետ զրույցում փորձագետը նշում է, որ պետությունը վերջին երկու տարում բավական թուլացրել է բիզնեսին աջակցելու գործիքները։
16 հունվար, 2021 16:16 2021. Այսպես սկսվեց տարին Արցախում ՍիվիլՆեթն ամփոփում է Արցախում 2021-ի տարեսկզբի հիմնական իրադարձությունները։
16 հունվար, 2021 14:29 Կյանքը պատերազմում և դրանից հետո․ Փոքր Մասրիկի բնակչուհու պատմությունը Պատերազմի ընթացքում՝ սեպտեմբերի 29-ին, ՍիվիլՆեթն այցելեց Գեղարքունիքի մարզի Փոքր Մասրիկ գյուղ, զրուցեց բնակիչների, այդ թվում՝ Հասմիկ Պատվականյանի հետ։ Ադրբեջանական զինուժը Վարդենիսի ուղղությամբ կիրառել էր ավիառումբեր ու ԱԹՍ-ներ, որոնցից մեկն ընկել էր Փոքր Մասրիկից մի քանի հարյուր մետրի վրա։ Հասմիկ Պատվականյանի ընտանիքը հրետակոծությունից պաշտպանվելու համար որպես ապաստարան էր օգտագործում կարտոֆիլի հորը։
16 հունվար, 2021 11:08 Ինչո՞ւ Սերժ Սարգսեան չընդունեց Լավրովի ծրագիրը Հիմա, բնականաբար, հարց կը ծագի, թէ ինչո՞ւ Սերժ Սարգսեան չընդունեց 2016-ի սկիզբէն ի վեր կողմերուն ներկայացուած այս ծրագիրը։ Չէ՞ որ այդպէսով կանխած կ՚ըլլար պատերազմը։ Թէ՞ կը մտածենք, որ կարելի էր յաւերժօրէն ձգձգել հարցի լուծումը եւ խաբել թէ՛ Ռուսաստանին, թէ՛ անհամբեր դարձած եւ Երեւանն ու Սեւանը գրաւել սպառնացող Ադրբեջանին եւ թէ ԵԱՀԿ-ին։ Կամ ինչո՞ւ չի հերքուիր այն տեղեկութիւնները, թէ 2016-ի Ապրիլեան պատերազմին Սերժ Սարգսեան ընդունած է Լաւրովի ծրագիրը եւ փոխարէնը ստացած զինադադար։ Կամ ինչո՞ւ չի հերքուիր Արցախի խորհրդարանի նախորդ նախագահ Արթուր Թովմասեանի այն յայտարարութիւնը, թէ Սերժ Սարգսեան 2016 Յուլիսին հանդիպած էր Արցախի ղեկավարութեան եւ պահանջած էր ընդունիլ հողերը վերադարձնելու ռուսական առաջարկը։

15 հունվար, 2021 23:56 Օմբուդսմենը դատապարտում է Վազգեն Մանուկյանի կողմից քաղաքացիների նկատմամբ վիրավորական ձևակերպումները «Դատապարտելի է ՀՀ վարչապետի թեկնածու համարվող Վազգեն Մանուկյանի կողմից այսօր Գյումրիում վիրավորական ձևակերպումներ օգտագործելը քացաքացիներին ուղղված իր խոսքում: Առավել ևս բացարձակ անընդունելի է նրա կողմից իր խոսքի վիրավորական արտահայտությունը վերահաստատելը լրագրողի հետ զրույցում: Անթույլատրելի են բոլոր այն դեպքերը, երբ հանրային գործիչներն իրենց խոսքում օգտագործում են քաղաքացիներին ուղղված վիրավորական բառեր ու արտահայտություններ»,- Ֆեյսբուքի իր էջում գրել է Թաթոյանը:

15 հունվար, 2021 22:10 Լավրովն Ադրբեջանի պաշտոնակցի հետ քննարկել է Մոսկվայի եռակողմ գագաթնաժողովի արդյունքները «Արտաքին քաղաքական գերատեսչությունների ղեկավարները քննարկել են 2021 թվականի հունվարի 11-ին Մոսկվայում Ռուսաստանի, Ադրբեջանի և Հայաստանի ղեկավարների գագաթնաժողովի արդյունքները, բարձր մակարդակով ձեռք բերված պայմանավորվածությունների իրականացումը, այդ թվում ՝ հումանիտար հարցերի լուծմանը, տարածաշրջանում տնտեսական և տրանսպորտային կապերի ապաշրջափակման գործընթացի մեկնարկին վերաբերող հարցեր»,- ասված է Ռուսաստանի ԱԳՆ հաղորդագրությունում: