30 մարտ, 2020 12:33 Ծայրահեղ ծանր և ծանր վիճակում գտնվող պացիենտների մոտ դրական տեղաշարժ կա Այս պահի դրությամբ ունենք 14 ծանր և 1 ծայրահեղ ծանր վիճակում գտնվող պացիենտ: Սակայն վերջինը նույնպես կդառնա ծանր, քանի որ նրա վիճակի բարելավում է նկատվում. այս մասին կառավարության մարտի 30-ի նիստում ասաց առողջապահության նախարար Արսեն Թորոսյանը: Նա նշեց, որ ևս 2 հիվանդ, որոնց վիճակը բժիշկները համարում էին ծանր, կդադարեն համարվել այդպիսին և կտեղափոխվեն սովորական պալատ:
30 մարտ, 2020 12:16 Արտակարգ դրություն․ կառավարությունը մտադիր է վերահսկել մարդկանց տեղաշարժը Համաճարակի հետևանքով հայտարարված արտակարգ դրության ժամանակ պետությունն իրավունք է ստանալու միջամտել քաղաքացիների անձնական տվյալներին․ այս մասին մարտի 30-ին Ազգային ժողովի արտահերթ նիստում հայտարարեց արդարադատության նախարար Ռուստամ Բադասյանը՝ ներկայացելով «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» օրենքներում լրացումներ կատարելու նախագծերի փաթեթը: 29 մարտ, 2020 23:52 Ռուսաստանի դժվարությունները շոկային կլինեն ԵԱՏՄ երկրների համար․ Միխայիլ Դելյագին Ռուսաստանցի տնտեսագետ, Գլոբալիզացիայի խնդիրների ինստիտուտի տնօրեն Միխայիլ Դելյագինը ՍիվիլՆեթի հետ զրույցում նշում է, որ կորոնավիրուսի համաճարակի հետևանքով աշխարում թափ հավաքող տնտեսական ճգնաժամը վերածվում է գլոբալ դեպրեսիայի: «Կորոնաճգնաժամը», վստահ է նա, ուղղակի արագացրեց այդ գործընթացը, որի հետևանքով համաշխարհային շուկաները մասնատվելու են տարածաշրջանային մակրոշուկաների:

29 մարտ, 2020 22:46 Վերին Լարսում գոտի կառանձնացվի Հայաստանի բեռների համար. Նիկոլ Փաշինյան Իր խոսքում, վարչապետը նշել է. «Նախ ուզում եմ շնորհակալություն հայտնել, որ ի հեճուկս բոլոր դժվարությունների, շարունակում եք աշխատել որքան հնարավոր է բնականոն ձևով: Իհարկե, այս ժամանակահատվածում մենք խնդիր ունենք կոորդինացնել մեր գործողություններն ու մաքսիմալ լավ պայմաններ ապահովել մեր երկրից արտահանումների և դեպի մեր երկիր ներկրումների համար: Ես կարող եմ ասել, որ վերջին օրերին աշխատել ենք Վրաստանի և Ռուսաստանի մեր գործընկերների հետ և երեկ պայմանավորվածություն ենք ձեռք բերել, որ և՛ Վրաստանը, և՛ Ռուսաստանը կապահովեն, այսպես ասած, «կանաչ գոտի» ԵԱՏՄ բեռների համար, այսինքն՝ Վրաստանի տարածքով և Վերին Լարսում առանձին գոտի կառանձնացվի, ըստ էության, Հայաստանի բեռների համար: Իհարկե, քաղաքական մակարդակում պայմանավորվածությունը՝ պայմանավորվածություն, բայց պետք է դա դեռ իրականություն դարձնել և կյանքի կոչել:

29 մարտ, 2020 22:30 Արցախի նախագահի թեկնածուները մասնակցում են հեռուստաբանավեճի Այս պահին տեղի է ունենում Արցախի նախագահի թեկնածուների հեռուստաբանավեճը Արցախի հանրային հեռուստատեսության ուղիղ եթերում:

Արցախում նախագահի և խորհրդարանական ընտրությունները տեղի կունենան մարտի 31-ին:

Չնայած Հայաստանից և Արցախից հնչող բազմաթիվ կոչերին՝ հետաձգել ընտրությունները` հաշվի առնելով Արցախում կորոնավիրուսի տարածման վտանգը, այնուամենայնիվ, Արցախի իշխանություները մինչև այս պահը ընտրություները հետաձգելու որոշում չեն կայացրել:
29 մարտ, 2020 20:07 Բակո Սահակյանը չի հետաձգում ընտրությունները և պատասխանատու է իրավիճակի համար․ Հայկ Խանումյան Արցախի նախագահի թեկնածու Հայկ Խանումյանը ՍիվիլՆեթի հետ զրույցում ասում է՝ թեև մի շարք թեկնածուներ համատեղ կոչ են արել հետաձգել ընտրություններն ու արտակարգ դրություն հայտարարել, սակայն իշխանություններից որևէ արձագանք չկա, Արցախում էլ կյանքը շարունակվում է բնականոն հունով։ Խանումյանի խոսքով՝ ընտրությունների անցկացման և հետագա իրավիճակի համար ամբողջ պատասխանատվությունը կրում է Բակո Սահակյանի վարչակազմը։
29 March, 2020 16:33 Seven Early Lessons From the Coronavirus: Ivan Krastev "What strange days we are living in", a Spanish friend wrote to me yesterday – and strange they are. We do not know when the Covid-19 pandemic will end; we do not know how it will end; and, at present, we can only speculate about its long-term political and economic impact. In a time of crisis, we are infected with uncertainty. But there at least seven things that make this crisis very different from previous ones.

29 մարտ, 2020 13:12 Արցախին հերոսական անցյալով ղեկավար է պետք․ Ռոբերտ Քոչարյան Արդեն մի քանի օր է, ինչ Հայաստանի Հանրապետությունում, աշխարհի բազմաթիվ այլ երկրների օրինակով, արտակարգ դրություն է հայտարարված՝ կանխելու համար նոր կորոնավիրուսի համաճարակը։ Արցախում այս պահի դրությամբ վարակի հաստատված դեպք դեռևս չի գրանցվել։ Սակայն, Հայաստանի և Արցախի սերտ փոխկապակցվածությունը կորոնավիրուսի ներթափանցման և տարածման տեսանկյունից ակնհայտ վտանգներ է առաջացնում։ Եվ սա խոր անհանգստության տեղիք է տալիս, քանի որ կանխարգելման անհրաժեշտ միջոցառումների անբավարար լինելու պայմաններում՝ համաճարակը կարող է արագորեն տարածվել և բազմաթիվ կյանքեր խլել։ Այն կարող է նաև լրջագույն հարված հասցնել մեր անվտանգությանը, հատկապես` առկա աշխարհաքաղաքական իրավիճակում։ 29 մարտ, 2020 12:47 Ֆրանսիայում կորոնավիրուսից մահացել է Պատրիկ Դևեջյանը Նոր տիպի կորոնավիրուսային վարակից (COVID-2019) մահացել է ֆրանսահայ քաղաքական գործիչ Պատրիկ Դևեջյանը. այս մասին հայտնում է Օ-դը-Սեն դեպարտամենտի Թվիթերի միկրոբլոգը։

Դեպարտամենտի նախագահ, 75-ամյա Դևեջյանն օրեր առաջ հայտնել էր, որ կորոնավիրուսի իր թեստը դրական արդյունք է տվել, սակայն նրա կյանքը փրկել չի հաջողվել։

Ինչպես հաղորդում է «Արմենպրեսը», Պատրիկ Դևեջյանը ծնվել էր 1944թ. օգոստոսի 26-ին։ Նա ակտիվ ներգրավված էր Ֆրանսիայի քաղաքական կյանքում։ 2002 թվականին նշանակվել է տեղական ինքնակառավարման հարցերի նախարար, 2004 թվականին Ֆրանսիայի արդյունաբերության նախարարի պորտֆելն է զբաղեցրել։
29 մարտ, 2020 11:42 ԱՄՆ-ը Հայաստանին կտրամադրի 1,1 մլն դոլար կորոնավիրուսի դեմ պայքարելու նպատակով «Միացյալ Նահանգները կհատկացնի 274 միլիոն ԱՄՆ դոլար՝ COVID-19 համավարակի դեմ առավել արդյունավետ պայքարի նպատակով առողջապահական խնդիրներին աջակցելու և մարդասիրական օգնություն ցուցաբերելու համար։

Ուրախությամբ փաստենք, որ այս միջոցներից 1,1 միլիոն ԱՄՆ դոլարը կհատկացվի Հայաստանին։ Այս աջակցությունը կցուցաբերվի Առողջապահության համաշխարհային կազմակերպության և Կարմիր խաչի ու կարմիր մահիկի ընկերությունների միջազգային ֆեդերացիայի միջոցով և հիմնականում նպատակաուղղված կլինի ազգային լաբորատոր կարողությունների, հիվանդությունների վերահսկման, դեպքերի բացահայտման և արագ արձագանքման, վարակի վերահսկման և կանխարգելման, գործերի վարման, պատրաստականության պլանավորման, ռիսկի վերաբերյալ հաղորդակցության, համայնքի ներգրավման և առողջության ու հիգիենայի պահպանման խթանման հարցերին»։
28 մարտ, 2020 23:54 Փաշինյանը Միշուստինի հետ քննարկել է բեռնափոխադրումների հարցը Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության վարչապետ Միխայիլ Միշուստինի հետ։

Երկու երկրների կառավարությունների ղեկավարները քննարկել են Հայաստանի եւ Ռուսաստանի միջեւ բեռնափոխադրումների կազմակերպման գործընթացը՝ հաշվի առնելով ՌԴ-ի կողմից սահմաններին նոր սահմանափակումներ կիրառելու որոշումը։

Նիկոլ Փաշինյանը եւ Միխայիլ Միշուստինն արձանագրել են, որ Հայաստանից ՌԴ բեռնափոխադրումները կշարունակվեն կանոնավոր կերպով եւ վերը նշված սահմանափակումները չեն ազդի հայկական բեռների տեղափոխման վրա։

Երկու երկրների կառավարությունների ղեկավարներն արծարծել են նաեւ հայ-ռուսական առեւտրատնտեսական համագործակցությանը վերաբերող արդիական հարցեր եւ ընդգծել Հայաստանի եւ Ռուսաստանի միջեւ ողջ ծավալով բեռնափոխադրումների
պահպանման կարեւորությունը։

Զրուցակիցները պայմանավորվել են շարունակել կանոնավոր շփումները` հետագա խնդիրներին արագորեն արձագանքելու համար:
28 մարտ, 2020 22:57 Ազգայնականության աճից մինչև կյանքերի գնով տնտեսության փրկություն․ կորոնավիրուսի համաճարակի յոթ հետևանքները Իվան Կրաստևը Լիբերալ ռազմավարությունների բուլղարական կենտրոնի նախագահն է և Վիեննայի մարդու մասին գիտությունների ինստիտուտի գիտաշխատող։ Sapereonline կայքում հրապարակած հոդվածում Կրաստևը խորհում է, թե ինչ դասեր է պատրաստել Covid19ը աշխարհի համար Կրաստևը նշում է համաճարակի յոթ  հետևանք։ 
Առաջին հետևանքը ի տարբերություն 20082009 թթ ֆինանսական ճգնաժամի` կորոնավիրուսը պայմաններ է ստեղծում կյանքի տարբեր ոլորտներում պետական միջամտությունն ուժեղացնելու համար Lehman Brothersի սնանկացումից հետո շատ փորձագետներ կարծում էին, որ ճգնաժամի հետևանքով շուկաների նկատմամբ վստահության կորուստը կհանգեցնի իշխանության հանդեպ հավատի աճին 
Այս հայեցակարգը նոր չէ, 1929ին՝ Մեծ դեպրեսիայի վաղ շրջանում, մարդիկ կառավարությունից պահանջում էին միջամտել տնտեսությանը, որպեսզի կանխվեր շուկաների անկումը։ Սակայն 1970ականներին ամեն ինչ ճիշտ հակառակն էր․ մարդիկ այնքան հիասթափված էին կառավարություններից, որ կրկին սկսել էին հավատալ շուկաներին 20082009 թվականների պարադոքսն այն էր, որ շուկաների հանդեպ անվստահությունը չհան