Civilnet
«Մայր Հայաստան» կուսակցությունն Ազգային ժողովի ընտրություններին մասնակցելու է «Բարգավաճ Հայաստան»-ի հետ համատեղ՝ «Առաջարկ Հայաստանին» ծրագրով։ Այս մասին պաշտոնապես հայտարարվեց փետրվարի 15-ին՝ կուսակցության համագումարում։
«Մայր Հայաստան»-ի առաջնորդ Անդրանիկ Թևանյանը նշեց, որ քննարկումների և երկխոսության արդյունքում դրական են համարել Գագիկ Ծառուկյանի «Առաջարկ Հայաստանին» ծրագիրը և դրանով էլ կմասնակցեն առաջիկա խորհրդարանական ընտրություններին։
Նա հայտարարեց, որ «Մայր Հայաստանը» դառնալու է «Առաջարկ Հայաստանին» ծրագրի համահեղինակ ու իր գաղափարներով, լուծումներով հարստացնելու է այն:
Ազգային ժողովի ընտրությունները տեղի են ունենալու հունիսի 7-ին։ ԲՀԿ առաջնորդ Գագիկ Ծառուկյանը հայտնել էր, որ իր «Առաջարկ Հայաստանին» նախընտրական ծրագիրը քաղաքական, հանրային «Նոյյան տապան» է լինելու, որտեղ կհավաքվեն բոլոր հետաքրքիր առաջարկներն ու լուծումները։
Պատմություններ
