Սոցիալական մեդիայում կեղծ լուրերը տարածվում են վայրկյանների ընթացքում։
Մենք փորձում ենք նվազեցնել դրանց ազդեցությունը: Ինչպես…

2024-ի հուլիսից #CivilNet-ի փաստերի ստուգման թիմը` #CivilNetCheck-ը համագործակցում է Meta-ի հետ: Մենք ստուգում ենք Facebook-ում, Instagram-ում հրապարակված բովանդակությունը՝ գրառումներ, տեսանյութեր, լուսանկարներ և գովազդներ:

Ինչ ստուգել՝ որոշում ենք մենք։ Առաջնահերթ են այն պնդումները, որոնք լայն տարածում ունեն և կարող են լուրջ ազդեցություն ունենալ՝ ընտրություններ, ճգնաժամեր, առողջապահություն և այլն:

Երբ գտնում ենք սխալ կամ մոլորեցնող պնդում, պատրաստում ենք հոդված՝ աղբյուրներով և ապացույցներով, ապա Meta-ի համակարգում նշում գնահատականը՝ «Սխալ», «Մասամբ սխալ», «Համատեքստից կտրված» և այլն:

Գրառման վրա հայտնվում է պիտակ, իսկ Meta-ն նվազեցնում է դրա տարածումը։ Մենք գրառում չենք ջնջում և հաշիվներ չենք արգելափակում:

Կարևոր է՝ ըստ ՄԵՏԱ-ի կանոնների՝ մենք չենք կարող պիտակ կիրառել գործող պաշտոնյաների և քաղաքական գործիչների խոսքի վրա:

Իսկ մնացած բոլոր դեպքերում Meta-ն մեզ պատվիրակել է օգնել, որպեսզի իր հարթակներում հայ օգտատերերը լինեն ավելի պաշտպանված կեղծ լուրերից։

Եվ հիշեք՝ յուրաքանչյուրը պատասխանատու է իր էջում տարածած տեղեկատվության համար։ Ուրիշի խոսքի, գրառման մեջբերումը կամ տարածումը չի ազատում պատասխանատվությունից։

Եթե գրառումը պիտակ է ստացել, կարող եք այն ուղղել, մենք կվերանայենք գնահատականը: Մի՛ ջնջեք գրառումը։

Մեր նպատակը մեկն է՝ ապահովել, որ հանրային քննարկումները հիմնված լինեն ճիշտ և ստուգված փաստերի վրա։

Հետևեք #CivilNetCheck-ին՝ կեղծ լուրերից պաշտպանվելու համար։