Մայր Աթոռում սկսվել է Գերագույն հոգևոր խորհրդի ժողովը
Civilnet
Մարտի 10-ին Մայր Աթոռ Սուրբ Էջմիածնում Ամենայն Հայոց Կաթողիկոսի նախագահությամբ սկսվեց Գերագույն հոգևոր խորհրդի ժողովը: Հայտնում են Մայր Աթոռի տեղեկատվական համակարգից։
Հաղորդագրության մեջ նշված է, որ Գերագույն հոգևոր խորհրդի օրակարգում ընդգրկված են Եկեղեցական-ներկայացուցչական ժողովի գումարման ու կազմակերպչական աշխատանքներին, Եկեղեցու հովվական, կրթական, կանոնական, վարչական, կարգապահական, սոցիալական առաքելությանը վերաբերող հարցեր:
«Գերագույն հոգևոր խորհրդին կներկայացվի Մայր Աթոռ Սուրբ Էջմիածնի 2025 թվականի գործունեության տեղեկագիրը, կլսվեն հոգևոր-վարչական գործունեության զեկույցը, ֆինանսական հաշվետվությունը և վերստուգիչ հանձնախմբի տարեկան հաշվետվությունը»,- նշված է հաղորդագրության մեջ:
Թեմա
Պատմություններ
