Civilnet
Իրանը՝ բանակցությունների վերսկսման երեք պահանջ է ներկայացրել Միացյալ Նահանգներին։ Այս մասին հայտնում է լիբանանյան «Ալ Մայադին» հեռուստաալիքը՝ հղում անելով իր աղբյուրներին։
«Իրանի պայմաններն են՝ երաշխիքներ, որ պատերազմը չի վերսկսվի, միջուկային վառելիքի ամբողջական ցիկլի ձեռքբերում և փոխհատուցում», - հայտնում է լրատվամիջոցը՝ հղում անելով Թեհրանում գտնվող իր թղթակցին։
ԱՄՆ-ն և Իսրայելը փետրվարի 28-ին լայնածավալ ռազմական գործողություն են սկսել Իրանի դեմ։ Թել Ավիվը հայտարարել է, որ իրենց նպատակն է կանխել Թեհրանի կողմից միջուկային զենքի ձեռքբերումը։ Վաշինգտոնը սպառնացել է ոչնչացնել իրանական նավատորմը և պաշտպանական արդյունաբերությունը և կոչ արել երկրի քաղաքացիներին տապալել ռեժիմը։
Հարձակումները ներառել են լայնածավալ օդային հարվածներ Իրանի տարածքում՝ ինչպես ռազմական, այնպես էլ քաղաքացիական վայրերի վրա, ինչը զգալի զոհերի և ենթակառուցվածքների լայնածավալ վնասների պատճառ է դարձել։
Թեհրանը հայտարարել է, որ երկրի դեմ ռազմական ագրեսիայի ընթացքում տեղին չէ քննարկել որևէ այլ բան, բացի Իրանի պատասխան միջոցառումներից։
Մարտի 10-ին Իրանի խորհրդարանի խոսնակ Մոհամմադ Բաքեր Քալիբաֆը կտրականապես մերժել է հրադադարի ցանկացած առաջարկ՝ ընդգծելով ագրեսորներին վճռականորեն դիմակայելու անհրաժեշտությունը՝ Իրանի դեմ ապագա սպառնալիքները կանխելու համար։
Պատմություններ
