Թրամփ իսկապէս պատրա՞ստ է խօսելու Իրանի հետ

ԱՄՆ-Իրան երկխօսութեան, հաւանական բանակցութիւններու զրոյցները որքանո՞վ հաւաստի են, ԱՄՆ, Իսրայէլ եւ Իրան կրնա՞ն պատերազմին վերջ տալու շուրջ շօշափելի արդիւնք ապահովող միջնորդաւորուած կամ ուղղակի բանակցութիւններ ունենալ։

Նախագահ Թրամփ պիտի կրնա՞յ համոզիչ կերպով նախ Ամերիկայի, ապա միջազգային հանրութեան ներկայանալ իբրեւ յաղթանակ արձանագրած ղեկավար։ Իրանի քաղաքական ներկայ ղեկավարութիւնը ի՞նչ քայլեր կրնայ ծրագրել նոյնպիսի յարձակումներու դէմ երաշխաւորելու իր անվտանգութիւնը եւ դիմադրողականութիւնը։ Հայաստան պատրա՞ստ է դիմագրաւել այս տարածաշրջանի անկայունութեան հաւանական հետեւանքները։ Այս եւ Մերձաւոր Արեւելքի մէջ խաղաղութեան հաստատման դէմ գործող ազդակներու մասին զրուցեցինք քաղաքագիտութեան դասախօս Ասպետ Գոչիկեանի հետ։