Այսօր Ազատության հրապարակում Րաֆֆի Հովհաննիսյանին են այցելել «Օրինաց երկիր» կուսակցության փոխնախագահ Մհեր Շահգելդյանն ու ԱԺ «Օրինաց երկիր» խմբակցության պատգամավոր Խաչիկ Հարությունյանը. հաղորդում է Tert.am-ը: Մհեր Շահգելդյանը հորդորել է Րաֆֆի Հովհաննիսյանին դադարեցնել հացադուլը:
«Առաջին հերթին խոսեցինք իր առողջության վերաբերյալ, երկրորդ հերթին՝ իր մոտեցումների: Յուրաքանչյուր քաղաքական գործիչ ունի իր դիրքորոշումն արտահայտելու՝ սեփական պայքարի ձևերը: Կարևորեցինք, որ հասարակության մեջ այս գործընթացը չի հանգեցնում ատելություն, տարբեր քաղաքական խմբերի չի հանում իրար դեմ»,- հանդիպումից հետո լրագրողներին է ասել Մհեր Շահգելդյանը:
