Նոր մանրամասներ` Պռոշյանի գյուղապետի սպանության գործով

Ոստիկանությունը հաղորդագրություն է տարածել, ըստ որի` Կոտայքի մարզի Պռոշյան գյուղի գյուղապետի սպանության դեպքի վայրի զննության ընթացքում հայտնաբերվել են արնանման հետքեր, որոնք ուղարկվել են դատակենսաբանական փորձաքննության:

Դիակի դատաբժշկական փորձաքննության ընթացքում Հրաչ Մուրադյանի գլխից հանվել են կրակված փամփուշտի գնդակի բեկորներ: Գնդակի տեսակը, տրամաչափը, ինչպես նաև կրակող հրազենը հայտնաբերելու նպատակով նշանակվել է դատաձգաբանական փորձաքննություն:

Նախաքննությունը շարունակվում է: