Սաակաշվիլիին կարող են զրկել Անկախության օրվանից

Վերջին շրջանում Վրաստանում խորհրդարանական մեծամասնության՝ «Վրացական երազանքի», ինչպես նաև նախագահ Միխեիլ Սաակաշվիլիի գլխավորած «Ազգային միասնական շարժում» կուսակցության որոշ հակառակորդներ կոչ են անում նախագահին զրկել մայիսի 26-ին Վրաստանի Անկախության օրվա շքերթն ընդունելու հնարավորությունից, հաղորդում է «Ազատություն» ռադիոկայանի վրացական ծառայությունը:

Խորհրդարանի պաշտպանության հանձնաժողովի նախագահ Իրակլի Սեսիաշվիլիի խոսքով՝ շքերթն ընդունել է վրաց ժողովուրդը:
Վրաստանի պաշտպանության նախարար Իրակլի Ալասանիան հայտարարել է, որ տոնական օրը տպավորիչ է լինելու, սակայն շրջանցել է հարցը՝ ով է ընդունելու շքերթը:

«Շքերթը կընդունի վրաց ժողովուրդը, և այդպես պետք է միշտ լինի: Մինչ այժմ շքերթթ ընդունել է նախագահ Սաակաշվիլին: Սա սխալ մոտեցում է: Վրաստանի անկախության օրը մեզ համար ամենակարևոր օրն է, և մենք պետք է այն այնպես նշենք, որ հասարակության շրջանում անկախության նկատմամբ դրական վերաբերմունք ձևավորվի»,- ասել է նախարարը: