Գերմանիայի քննչական մարմինները կոռուպցիայի մեջ մեղադրանք են առաջադրել երկրի նախկին նախագահ Քրիստիան Վուլֆին, որն իր անձի շուրջ ծագած մի շարք սկանդալներից հետո պաշտոնաթող եղավ անցյալ տարի, հաղորդում է BBC-ն:
Վուլֆին, մասնավորապես, մեղադրում են Ստորին Սաքսոնիա դաշնային հողի վարչապետի պաշտոնը զբաղեցրած ժամանակ գերմանացի մի կինոպրոդյուսերի շահերի լոբբինգով զբաղվելու մեջ:
Ինքը՝ նախկին նախագահը, հայտարարում է, որ պրոդյուսերին պարզապես օգնել է միջոցներ գտնել ֆիլմի արտադրության համար և հակաօրինական որևէ բան չի արել:
Այս շաբաթ՝ ավելի վաղ, Վուլֆը մերժել էր դատախազների առաջարկը՝ փակել գործը տուգանքի վճարման օգնությամբ՝ նշելով, որ ցանկանում է պաշտպանել իր հեղինակությունը դատարանում: