ՀՀԿ-ն արձագանքել է ՀԱԿ-ի հայտարարությանը

ՀՀԿ կենտրոնական ընտրական շտաբը հաղորդագրություն է տարածել ՀԱԿ կուսակցության հայտարարության վերաբերյալ:

ՀՀԿ հայտարարությունում մասնավորապես ասված է. «Երևանի ավագանու ընտրությունների ՀՀԿ կենտրոնական ընտրական շտաբը դատապարտում է ցանկացած բռնություն և անթույլատրելի է համարում քարոզարշավը խոչընդոտող ցանկացած ոտնձգություն, միաժամանակ ընտրարշավին մասնակից բոլոր ուժերին կոչ է անում շարունակել քաղաքակիրթ քարոզարշավ»:

Հիշեցնենք, որ ապրիլի 22-ի երեկոյան Աջափնյակում Երևանի ավագանու քարոզարշավ իրականացնելիս ծեծի էին ենթարկվել ՀԱԿ երիտասարդները: