5 հունվար, 2021 15:32 2020. հինգ դրվագ, որ այդպես էլ քրեական գործ չդարձան Հայաստանում 2018-ի իշխանափոխությունից հետո վարչապետ Նիկոլ Փաշինյանն ու նրա թիմի անդամները բազմիցս բարձրաձայնել են տարբեր հանցագործությունների մասին։ Դրանցից շատերի վերաբերյալ քրեական գործեր են հարուցվել։ Բայց եղել են նաև հայտարարություններ հանցագործությունների մասին, որոնց առնչությամբ այդպես էլ քրեական գործեր չեն հարուցվել։ ՍիվիլՆեթը հավաքել է դրանցից մի քանիսը։
5 հունվար, 2021 13:25 Արարատի մարզի որևէ համայնք թշնամու վերահսկողության տակ չի անցնելու․ մարզպետ ՀՀ Արարատի մարզպետ Ռազմիկ Թևոնյանն անդրադարձել է տեղեկությանը, թե իբր առաջիկայում Հայաստանի իշխանություններն Ադրբեջանին են հանձնելու Արարատի մարզի Տիգրանաշեն գյուղը։ Մարզպետը շեշտում է, որ «Արարատի մարզի սահմանները հսկվում են Հայաստանի Զինված ուժերի կողմից և որևէ համայնք թշնամու վերահսկողության տակ չի անցնելու՝ ո՛չ հիմա, ո՛չ երբևէ»։ Հայտարարության մեջ ասվում է․ 5 հունվար, 2021 12:04 Պատերազմի ընթացքում տուժածների բուժօգնությունը բացառապես անվճար է․ փոխնախարար Հարկ եմ համարում նշել, որ մարտական գործողությունների ընթացքում տուժած քաղաքացիների և զինծառայողների բուժօգնությունը, այդ թվում հետագա վերականգնողական բուժումը իրականացվել, իրականացվում և իրականացվելու է բացառապես անվճար` պետական պատվերի շրջանակներում: 5 January, 2021 11:01 Turkey may launch a major military offensive in Iraqi Kurdistan: Petrostrategies Less than a year after Turkey’s military campaign in Libya, another oil-producing country may become the scene of a major Turkish military intervention. At the very beginning of 2021, the Turkish military seems to be casting its eyes towards Iraqi Kurdistan, and more precisely the mountainous region of Qandil, on the Iranian border. 5 հունվար, 2021 10:58 Ջաբրայիլ-Հադրութ ուղղությունից հայտնաբերվել է 9 աճյուն, որից 3-ը՝ քաղաքացիական անձի Հունվարի 4-ին Մեխակավան (Ջաբրաիլ)-Հադրութ ուղղություններից հայտնաբերվել է 9 աճյուն: Նրանց մեջ եղել են նաև 3 քաղաքացիական անձինք (երկու կին, մեկ տղամարդ):

4 January, 2021 21:39 Artsakh Foreign Minister Masis Mailyan "Relieved of Post" By the decree of Artsakh President Arayik Harutyunyan, Masis Mailyan was relieved of the post of Artsakh's Foreign Affairs Minister on Monday. Advisor to Artsakh President Davit Babayan has been appointed as the new minister.

Mayilyan participated in the 2020 Artsakh general election as a presidential candidate. He came at the second place in the first round of the election and lost during a run-off between him and Arayik Harutyunyan in the second round.

Since the end of the Second Karabakh War, the Artsakh government has enacted sweeping personnel changes at all levels.
4 հունվար, 2021 19:14 Դավիթ Բաբայանը նշանակվել է Արցախի ԱԳ նախարար Արցախի նախագահ Արայիկ Հարությունյանի հրամանագրով Մասիս Մայիլյանն ազատվել է Արցախի Հանրապետության արտաքին գործերի նախարարի պաշտոնից, իսկ մեկ այլ հրամանագրով Դավիթ Բաբայանը նշանակվել է նույն պաշտոնում՝ ազատվելով ԱՀ նախագահի խորհրդականի պաշտոնից:

4 հունվար, 2021 16:27 Տեսաբացիկ․ ուսուցիչներն ամփոփում են անսովոր տարին 2020-ը բարդ տարի էր բոլորի, այդ թվում՝ ուսուցիչների համար։ Կորոնավիրուսի պատճառով անցում հեռավար կրթության, դասապրոցեսի անցկացման նոր ձև՝ իր հետ բերած բազում խնդիրներով։ Ճգնաժամային իրավիճակը, միևնույն ժամանակ, նոր գիտելիքների ու հմտությունների ձեռքբերման հնարավորություն էր ոչ միայն աշակերտների, այլև հենց ուսուցիչների համար։ Կրթական տարբեր օջախների ուսուցիչներ ամփոփում են անսովոր ուսումնական տարին, ՍիվիլՆեթին պատմում անցնող տարվա մարտահրավերների և գալիք տարվա ակնկալիքների մասին։
4 հունվար, 2021 16:16 Փաշինյան. Տարածքների խաղաղ հանձնման դեպքում պատերազմը կարող էր ոչ թե ավարտվել, այլ սկսվել Շուռնուխի մատույցներում Վարչապետ Նիկոլ Փաշինյանը հոդված է հրապարակել, որում անդրադարձել է Արցախում տեղի ունեցած վերջին պատերազմի ծագման հարցին։ «Հասկանում եմ նաեւ, որ այս հոդվածը հիասթափեցնող է բոլոր նրանց համար, ովքեր հոգնել են անցյալի շուրջ քննարկումներից եւ ուզում են տեսնել ապագան»,- գրել է Փաշինյանը։ Անդրադառնալով բանակցություններին՝ գործադիրի ղեկավարը նշել է․ «Ֆորմալ առումով 2016 թվականից հետո էլ բանակցային գործընթացը շարունակում է տեղի ունենալ Մադրիդյան սկզբունքների կամ դրանց կոնֆիգուրացիայի հիման վրա, բայց ռուսական առաջարկները կան, գոյություն ունեն եւ նրանց ներկայությունը զգացվում է ամենուր, առնվազն այն տրամաբանությամբ, որ 7 տարածքների հանձնումը 2018 թվականի դրությամբ բանակցային գործընթացի հիմնական, եթե ոչ միակ թեման է»։ Փաշինյանը նաև արձանագրել է․ «բանակցային գործընթացի ողջ իմաստն ու նպատակը, որ մարդիկ 20 տարի վարել են, եղել է Ադրբեջանին հույս տալը, որ ինքը բանակցություններով կարող է հասնել նրան, ինչին ուզում է հասնել պատերազմի միջոցով», իսկ այդ ընթացքում, ըստ վարչապետի, Ադրբեջանը զինվել է։
4 հունվար, 2021 14:17 Ռուսական և ադրբեջանական խողովակաշարային գազը՝ Եվրոպայում. մրցակիցներ, թե հակառակորդներ 2021-ը Եվրոպայում սկսվեց մի քանի նոր գազային ծրագրերի մեկնարկով։ Դրանցից առաջինը դեռ 2013-ից իրագործվող «Հարավային գազային միջանցքն է», որը նախատեսում է ադրբեջանական գազի հավելյալ ծավալների մատակարարում Թուրքիա և Եվրամիություն։ Տրանսանատոլիական և Տրանսադրիտաիկ գազամուղերի կառուցմամբ և Բաքու-Թբիլիսի-Էրզրում գազամուղի թողունակության մեծացման շնորհիվ 2021 թ. հունվարից տարեկան հավելյալ 16 միլիարդ խորանարդ մետր գազ է մուտք գործում Թուրքիա և Եվրամիություն։ Այդ ծավալից 6 միլիարդը կսպառվի Թուրքիայում, ևս տարեկան մեկական միլիարդ խորանարդ մետր գազ կստանան Հունաստանն ու Բուլղարիան, 8 միլիարդ խորանարդ մետր գազ էլ կմատակարարվի Իտալիա։

3 հունվար, 2021 16:53 ԼՂ-ում ռուս խաղաղապահների ներկայությունն անվտանգության ապահովման կարևոր գործոն է․ Փաշինյան Վարչապետ Նիկոլ Փաշինյանն այսօր ընդունել է Ռուսաստանի Դաշնության կառավարության նախագահի տեղակալ՝ փոխվարչապետ Ալեքսեյ Օվերչուկին:

3 հունվար, 2021 15:00 2020-ի 10 քրեական գործերը ՍիվիլՆեթն առանձնացրել է 2020-ի 10 քրեական գործերը։ Դրանց գերակշիռ մասը հարուցված է նախկին իշխանության ներկայացուցիչների դեմ։ Դատարան է մտել ընդամենը մեկը։
3 հունվար, 2021 13:41 Երևանում նոր ճանապարհ կկառուցվի․ որոշումն ուժի մեջ է մտնում այս շաբաթ Այս շաբաթ ուժի մեջ է մտնում Երևան քաղաքի Մամիկոնյանց և Արամ Խաչատրյան փողոցները միացնող ճանապարհահատվածի կառուցման ծրագիրը։

3 հունվար, 2021 11:54 ՀՀ զինված ուժերն ու սահամանապահները լիովին տիրապետում են իրավիճակին․ Սյունիքի մարզպետ ԳորիսԿապան ավտոճանապարհի 21 կիլոմետրանոց հատվածում, որը գտնվում է վիճելի տարածքում, շարունակվում են երկու կողմերի սահմանապահ զորքերի տեղակայման աշխատանքները։ Այս մասին հայտնել է Սյունիքի մարզպետ Մելիքսեթ Պողոսյանը։   2 հունվար, 2021 16:53 «Կոմերսանտը»՝ Ղարաբաղում Հայաստանի պարտության պատճառների մասին Առայժմ պարզ չէ, թե Հայաստանում ում վիճակված կլինի հետևություններ անել տեղի ունեցածից։ Երկրում մեծ թվով քաղաքացիներ վարչապետ Փաշինյանին մեղավոր են համարում պատերազմում խայտառակ պարտության համար, ընդդիմությունը ձգտում է հասնել նրա հրաժարականին։ Եթե անգամ բողոքի շարժման ներկայիս ալիքը չհեռացնի վարչապետին ու նրա կառավարությանը, հաջորդ՝ հերթական կամ արտահերթ ընտրություններում Նիկոլ Փաշինյանի հաղթանակի հեռանկարները շատ մշուշոտ են երևում։


2 հունվար, 2021 15:46 Բաքուն և Անկարան Ղարաբաղում պատերազմից հետո տարածքային պահանջներ են ներկայացնում Իրանին 2020թ. սեպտեմբերի 27-ից նոյեմբերի 9-ը Ղարաբաղում ծավալված պատերազմում թերևս երկու պարտվող կար։ Առաջինը, իհարկե, Հայաստանն է, որին ուղղված էին բոլոր հայացքները, քանի որ այն ջախջախիչ ռազմական պարտություն կրեց։ Սակայն հիմա հետին պլանում հայտնվում է երկրորդ անհաջողակը։ Դա Իրանն է, որին պատերազմից հետո հաղթանակած տանդեմը սպառնում է տարածքային մասնատումով։