Փանջիկիձեն սահմանել է Վրաստանի արտաքին քաղաքականության առաջնահերթությունները

Եվրամիությանն ու ՆԱՏՕ-ին ինտեգրումը, ինչպես նաև ԱՄՆ-ի և Ռուսաստանի հետ հարաբերությունները Վրաստանի արտգործնախարարության աշխատանքի կարևոր ուղղություններն են: Այսպիսի հայտարարություն է արել Վրաստանի արտգործնախարար Մայա Փանջիկիձեն՝ ամփոփելով  նախարարության վերջին 7 ամիսների աշխատանքը, հաղորդում  է «Նովոստի Գրուզիան»:

Նրա խոսքով՝ Վրաստանի և  ՆԱՏՕ-ի միջև հարաբերությունները դինամիկ են զարգանում, և երկրի նոր իշխանությունները դրանց խորացման ուղղությամբ առավելագույն ջանքեր են գործադրում:

«Վրաստանը մեծ նշանակություն է տալիս նաև  հարևան երկրների հետ հարաբերություներին: Այս տեսանկյունից մի շարք բարձ մակարդակի այցեր են կատարվել Ադրբեջան, Հայաստան և Թուրքիա», -ասել է Փանջիկիձեն:

Նա ընդգծել է նաև, որ արտաքին քաղաքականության կարևոր նպատակներից մեկը  Ռուսաստանի հետ հարաբերությունների վերականգնումն է: