Ինդոնեզական PT Pindad ընկերությունը Ադրբեջանին առաջարկել է համատեղ արտադրել ինքնաձիգներ, հաղորդում է ադրբեջանական APA գործակալությունը:
Ինդոնեզական կողմը SS-2 ավտոմատ հրացանի արտադրության մասին առաջարկ է ներկայացրել Բաքու իր ներկայացուցիչների այցի ընթացքում:
PT Pindad Ինդոնեզիայի պաշտպանական արդյունաբերության առաջատար ընկերություններից է և արտադրում է տարատեսակ ռազմա-տրանսպորտային միջոցներ, ռազմական մեքենաներ, զինամթերք: Նրա կողմից արտադրվող SS-1 և SS-2 ավտոմատ հրացանները օգտագործվում են Ինդոնեզիայի և մի շարք այլ երկրների բանակների կողմից:
