Ադրբեջանի փոխարտգործնախարար Մահմուդ Մամեդղուլիևը այս շաբաթ կայցելի Երևան, հաղորդում է ադրբեջանական APA գործակալությունը:
Այս մասին լրագրողներին տեղեկացրել է Ադրբեջանի արտգործնախարարության մամլո խոսնակ Էլման Աբդուլաևը:
Նրա խոսքով՝ փոխնախարարի այցի նպատակը սեպտեմբերի 12-13-ը Երևանում Արևելյան գործընկերության արտգործնախարարների ոչ պաշտոնական հերթական նիստին մասնակցությունն է:
Հանդիպմանը կմասնակցի նաև Եվրամիությունում Ադրբեջանի դեսպան Ֆուադ Իսքենդերովը:
Այս հանդիպումը Արևելյան գործընկերության՝ նոյեմբերին Վիլնյուսում կայանալքի գագաթաժողովից առաջ նախապատրաստական վերջին նիստն է:
