Հնարավոր է՝ Իրանի նախագահըՀասան Ռոհանին ՄԱԿ-ի Գլխավոր ասամբելայի նստաշրջանին հանդիպի ԱՄՆ նախագահ Բարաք Օբամայի հետ, հաղորդում է բրիտանական Guardian-ը:
Օբաման ABC հեռուստաալիքի հետ զրույցում հաստատել է, որ Ռոհանիին հանդիպման հրավերով անձնական նամակ է ուղարկել և մտադիր է օգտագործել Իրանի ներուժը Սիրիայում իրադրության կայունացման համար:
«Ես կարծում եմ, որ իրանցիները հասկանումմ են, որ Իրանի միջուկային ծրագիրը մեզ համար ավելի կարևոր է, քան Սիրիայի քիմիական զենքի հարցը: Սպառնալիքը, որըԻրանի միջուկային ծրագիրը կարող է ներկայացնել Իսրայելի համար, առավել զգալի է շոշափում մեր հանգուցային շահերը», -ասել է Օբաման:
Իրանի նախագահ Ռոհանին չի մեկնաբանել Նյու Յորքում Օբամայի հետ հնարավոր հանդիպումը: Երկրի արտգործնախարար Ջավադ Զարիֆը, իր հերթին, հայտարարել էր, որ ԱՄՆ և Իրանի ներկայացուցիչները անմիջական բանակցություններ չեն ունենա:
Իրանի և ԱՄՆ-ի առաջնորդների վերջին բանակցությունները եղելե ն 1977թ., երբ հանդիպել են Իրանի շահ Մոհամեդ Ռեզա Փեհլվեին և ԱՄՆ նախագահ Ջիմի Քարտերը:
Ռոհանիի ելույթը Գլխավոր ասամբելայում նախատեսված է սեպտեմբերի 24-ին: