Իտալիայի նախկին վարչապետ Սիլվիո Բեռլուսկոնին հայտարարել է, որ շարունակելու է զբաղվել քաղաքականությամբ, անգամ եթե ստիպված լինի լքել խորհրդարանը:
Իտալական RaiNews24 հեռուստաալիքով ցուցադրված տեսաուղերձում Բեռլուսկոնին ասել է, որ իր կարծիքով՝ Իտալիայում դատարանները խեղաթյուրում են ժողովրդավարական սկզբունքները:
Այս տարվա օգոստոսին Իտալիայի Գերագույն դատարանը հաստատեց Բեռլուսկոնիի՝ պետական պաշտոններ զբաղեցնելու արգելքը:
Սենատի հանձնաժողովն այժմ քննարկում է նախկին վարչապետին խորհրդարանում մանդատից զրկելու հարցը: