Թուրքիայի վարչապետ Ռեջեփ Թայիփ Էրդողանին զայրացրել է Անկարայի Մերձավոր Արևելքի տեխնիկական համալսարանի ուսանողների՝ «Ճանապարհ չենք ուզում, այլ անտառ» մակագրությամբ պաստառը:
Anadolu գործակալության հաղորդմամբ՝ Էրդողանը, խոսելով այդ պաստառի մասին, ասել է. «Գնացե՛ք և անտառում ապրեք: Այս երկրում անտառները շատ են, եթե ճանապարհ չլինի, չեք կարող համալսարան գնալ: Ճանապարհը քաղաքակրթություն է, մենք չենք կարող հրաժարվել ճանապարհներ կառուցելուց: Ճանապարհն է միացնում մարդուն մարդու հետ»:
Մերձավոր Արևելքի տեխնիկական համալսարանի՝ ընդդիմադիր տրամադրություններով հայտնի ուսանողները պայքարում են համալսարանի տարածքում ճանապարհի կառուցման դեմ:
Թուրքիայի վարչապետն իր հիմնական ձեռքբերումներից է համարում Թուրքիայում հազարավոր կիլոմետրեր ձգվող ճանապարհների կառոուցումը: