Հանդիսավորությամբ հանձնվել են ՀՀ անձնագրեր

Հայաստանի Հանրապետության անկախության 22-րդ տարեդարձի կապակցությամբ սեպտեմբերի 21-ին ՀՀ ոստիկանության անձնագրային և վիզաների վարչությունում հանդիսավոր պայմաններում տեղի է ունեցել ՀՀ քաղաքացիություն ստացած անձանց երդման և ՀՀ քաղաքացու անձնագրերի հանձնման արարողություն:

Ինչպես հաղորդում են ոստիկանության մամուլի ծառայությունից, ՀՀ քաղաքացիություն ստացող անձի երդման արարողությունը կազմակերպում և իրականացնում է ՀՀ ոստիկանության անձնագրային և վիզաների վարչությունը:  Համաձայն ՀՀ կառավարության 01.11.2007թ. 1290-Ն որոշման 6-րդ կետի` ՀՀ տոների կապակցությամբ երդման արարողությունն իրականացվում է հանդիսավոր պայմաններում: