Վրաստանի ներքին գործերի ներկայիս նախարար Իրակլի Գարիբաշվիլին դիտարկվումէ որպես նոր վարչապետի թեկնածուներից մեկը: Այս մասին հայտարարել է Վրաստանի խորհրդարանի փոխխոսնակ Մանանա Կոբախիձեն՝ հավելելով, նոր վարչապետի անունը հայտնի կդառնա վաղը՝ նոյեմբերի 2-ին, հաղորդում է «Ազատություն» ռադիոկայանի վրացական ծառայությունը:
«Համոզված եմ, որ վաղը կընդունվի ճիշտ և օբյեկտիվ որոշում: Որոշման մասին կհայտնեն իշխող «Վրացական երազանք» կոալիցիայի առաջնորդները», -ասել է Կոբախիձեն:
Վաղը տեղի կունենա «Վրացական երազանքի» քաղխորհրդի նիստը, որի ընթացքում կքննարկվի Իվանիշվիլիին փոխարինողի անունը: Հիմնական թեկնածուների թվում են ինչպես Գարիբաշվիլին, այնպես էլ աշխատանքի, առողջապահության և սոցիալական հարցերի նախարար Դավիթ Սերգեենկոն: Գարիբաշվիլիի՝ վարչապետ դառնալու դեպքում, ըստ զանգվածային լրատվամիջոցների, ներքին գործերի նախարար կնշանակվի էներգետիկայի նեկայից նախարար Կախի Քալաձեն:
Վրաստանի նոր վարչապետի անունը հայտնի կդառնա նոյեմբերի 2-ին
