Իսպանական Բիլբաո քաղաքում ընթացող «Մեծ սաղավարտի» եզրափակիչ մրցաշարի վերջին տուրում Հայաստանի ուժեղագույն գրոսմայստեր Լևոն Արոնյանը սպիտակ խաղաքարերով պարտության մատնեց աշխարհի նախկին չեմպիոն Վիշվանաթհան Անանդին: Լևոնից 46 քայլ պահանջվեց հնդիկ շախմատիստի դիմադրությունը կոտրելու համար: Այդուհանդերձ, Անանդը դեռ նախավերջին տուրում էր ապահովել չեմպիոնի կոչումը: Արոնյանը բավարվեց երկրորդ տեղով: Այսօր կայացած մյուս պարտիայում Ֆրանսիսկո Վալեխո Պոնսը հաղթեց Ռուսլան Պոնոմարյովին:
Մրցաշարային աղյուսակի վերջնական տեսքը.
1. Վիշվանաթհան Անանդ (Հնդկաստան)` 11 մ.
2. Լևոն Արոնյան (Հայաստան)` 10 մ.
3. Ռուսլան Պոնոմարյով (Ուկրաինա)` 5 մ.
4. Ֆրանսիսկո Վալեխո Պոնս (Իսպանիա)` 5 մ.