Մոսկվայում ավարտվեց Տիգրան Պետրոսյանի հուշամրցաշարը: Հայաստանի ուժեղագույն գրոսմայստեր Լևոն Արոնյանը 6 անընդմեջ ոչ-ոքիներից հետո վերջին` 7-րդ տուրում սևերով առավելության հասավ ռուս էռնեստո Ինարկիևի նկատմամբ և վաստակած 4 միավորով զբաղեցրեց 4-րդ տեղը: Նույնքան միավոր վաստակած իսրայելցի Բորիս Գելֆանդը լրացուցիչ ցուցանիշներով առաջ անցավ Լևոնից և մրցաշարն ավարտեց 3-րդ տեղում:
Երկրորդ տեղը զբաղեցրեց ռուս Վլադիմիր Կրամնիկը` 4.5 միավոր, իսկ չեմպիոնի տիտղոսը նվաճեց նրա հայրենակից Ալեքսանդր Գրիշչուկը` 5.5 միավոր:
Մրցաշարային աղյուսակի վերջնական տեսքը`
1. Ալեքսանդր Գրիշչուկ (Ռուսաստան)` 5.5 մ.
2. Վլադիմիր Կրամնիկ (Ռուսաստան)` 4.5 մ.
3. Բորիս Գելֆանդ (Իսրայել)` 4 մ.
4. Լևոն Արոնյան (Հայաստան)` 4 մ.
5. Դին Լիրեն (Չինաստան)` 3.5 մ.
6. Պետեր Լեկո (Հունգարիա)` 2.5 մ.
7. Էռնեստո Ինարկիև (Ռուսաստան)` 2 մ.
8. Ալեքսանդր Մորոզևիչ (Ռուսաստան)` 2 մ.
