Այսօր Չեմպիոնների լիգայի այս մրցաշրջանի խմբային փուլում մեկնրակում է վերջին տուրը։
Մրցապայքարի մեջ են մտնելու A, B, C, D խմբերի մասնակիցները։
Հայ երկրպագուին ամենաշատը հետաքրքրում է Դորտմունդում կայանալիք հանդիպումը, ուր Հենրիխ Մխիթաարյանի «Բորուսիան» ընդունելու է բելգիական «Անդերլեխտին»։ Թեպետ գերմանացիներն ապահովել են փլեյ-օֆֆ փուլի ուղեգիրը, այդուհանդերձ այսօրվա խաղը կարևոր է մի քանի առումներով։ Նախ, Յուրգեն Կլոպի սաները ձախողվել են Բունդեսլիգայում, և անհրաժեշտ է վերականգնել վարկը միջազգային մրցասպարեզում հաղթանակներով։ Բացի այդ, «Բորուսիան» չի ապահովել առաջին հորիզոնականը․ նրան այս պայքարում հետապնդում է Լոնդոնի «Արսենալը», որն այսօր հյուրընկալվելու է թուրքական «Գալաթասարային»։
Տուրի կենտրոնական խաղում Թուրինի «Յուվենտուսը» կընդունի Մադրիդի «Ատլետիկոյին»։ Իտալական ակումբն ամեն ինչ կանի, որպեսզի սեփական հարկի տակ խաղում առավելության հասնի Չեմպիոնների լիգայի նախորդ մրցաշարի եզրափակչի մասնակցի նկատմամբ և A խմբում զբաղեցնի առաջին հորիզոնականը։
Հաջորդ փուլ դուրս գալու համար «Լիվերպուլը» պետք է հաղթի «Բազելին»։ Վերջինս B խմբում զբաղեցնում է երկրորդ հորիզոնականը՝ անգլիական ակումբի նկատմամբ ունենալով 2 միավորի առավելություն։ Նույն խնդիրն է դրված Սանկտ Պետերբուրգի «Զենիթի» առջև «Մոնակոյի» հետ մրցապայքարում։
Այսօր կայանալիք հանդիպումները։
Խումբ A
Յուվենտուս (Իտալիա) – Ատլետիկո (ՄԱդրիդ, Իսպանիա)
Օլիմպիակոս (Հունաստան) – Մալմյո (Շվեդիա)
Խումբ B
Ռեալ (Մադրիդ) – Լուդոգորեց (Բուլղարիա)
Լիվերպուլ (Անգլիա) – Բազել (Շվեյցարիա)
Խումբ C
Բենֆիկա (Պորտուգալիա) – Բայեր (Գերմանիա)
Մոնակո (Ֆրանսիա) – Զենիթ (Ռուսաստան)
Խումբ D
Դորտմունդ (Բորուսիա) – Անդերլեխտ (Բելգիա)
Գալաթասարայ (Թուրքիա) – Արսենալ (Անգլիա)
