ԵԱՀԿ Մինսկի խմբի համանախագահներ Ջեյմս Ուորլիքը (ԱՄՆ), Իգոր Պոպովը (Ռուսաստան), Պիեռ Անդրյոն (Ֆրանսիա) փետրվարի 17-ին կայցելեն Հայաստան: Այս մասին Թվիթերի իր էջում գրել է արտգործնախարարության մամուլի խոսնակ Տիգրան Բալայանը:
Համաձայն գրառման` համանախագահները հանդիպելու են նախագահ Սերժ Սարգսյանի և արտգործնախարար Էդվարդ Նալբանդյանի հետ:
Ադրբեջանական Trend գործակալության փոխանցմամբ՝ համանախագահները Բաքու կայցելեն փետրվարի 15-ին:
***
Փետրվարի 5-ին Մյունխենում գտնվող արտգործնախարար Էդվարդ Նալբանդյանը հանդիպում էր ունեցել համանախագահների հետ, որից հետո վերջիններս հայտարարություն էին տարածել՝ կոչ անելով համակողմանի բանակցությունների:
Համանախագահների նախորդ այցը Հայաստան 2014-ի հոկտեմբերին էր: