Լեռնային Ղարաբաղի կառավարությունը «Արցախի սոցիալական ծրագրերի հիմնադրամ» է ստեղծում: Ինչպես հաղորդում են ԼՂՀ կառավարության մամուլի ծառայությունից, համապատասխան որոշման նախագծին Արցախի կառավարությունը հավանություն է տվել փետրվարի 24-ի նիստին:
ԼՂՀ վարչապետ Արայիկ Հարությունյանի խոսքով` հիմնադրամը ստեղծվել է պետական ֆինանսական աջակցությամբ սոցիալական ծրագրեր իրականացնելու, մասնավորապեսՙ արտոնյալ պայմաններով առանձին խմբերի անձանց բնակարանային պայմանների բարելավմանն աջակցելու համար:
Հիմնադրամը կամավոր գույքային վճարների հիման վրա ստեղծված ոչ առևտրային կազմակերպություն է, որի պետական կառավարման լիազոր մարմինը հանդիսանում է աշխատանքի և սոցիալական հարցերի նախարարությունը:
Որոշումը ուժի մեջ մտնելուց հետո երկամսյա ժամկետում պետք է իրականացվի հիմնադրամի պետական գրանցումը, որից հետո եռամսյա ժամկետում վարչապետի հաստատմանը ներկայացվի հոգաբարձուների խորհրդի անհատական կազմը: Փետրվարի 24-ի նիստին ԼՂ կառավարությունը հաստատել է հիմնադրամի կանոնադրությունը, որով կարգավորվելու է կառույցի գործունեությունը:
