Նախ՝ խաղաղություն, հետո՝ մնացածը

Տավուշի մարզի Բերքաբեր գյուղում կենցաղային խնդիրների պակաս չի զգացվում, սակայն գյուղի գլխավոր հիմնահարցը թշնամու նշանակետի տակ ապրելն է։ Գյուղում անհնար է գտնել որևէ շինություն, որը տուժած չլինի հակառակորդի գնդակից։ Ճակատագրի հեգնանքով Բերքաբեր գյուղի ամենաբերքաբեր հողերը՝ շուրջ 850 հեկտար տարածք, 90-ականների արցախյան պատերազմի ժամանակ անցել են ադրբեջանցիների վերահսկողության տակ։