Լեռնային Ղարաբաղի Ազգային ժողովի ընդդիմադիր պատգամավոր Հայկ Խանումյանին առևանգելու դեպքի առթիվ հարուցված քրեական գործի շրջանակում ձերբակալվել է երկու մարդ, հաղորդում են ԼՂՀ ոստիկանությունից:
Համաձայն հաղորդագրության` հունիսի 9-ին ԼՂՀ ոստիկանության Ստեփանակերտ քաղաքի վարչություն են մեղայականով ներկայացել մայրաքաղաքի բնակիչներ, աշխարհազորայիններ՝ 1977թ. ծնված Միքայել Միքայելի Սահակյանը և 1968թ. ծնված Սերգեյ Գեորգիի Ավանեսյանը:
«Մ. Սահակյանը և Ս. Ավանեսյանը ձերբակալված են:
Իրականացվում են համապատասխան միջոցառումներ հանցագործության հնարավոր այլ մասնակիցների հայտնաբերման ուղղությամբ»,- ասված է ԼՂՀ ոստիկանության հաղորդագրության մեջ:
***
ԼՂՀ ԱԺ «Վերածնունդ» խմբակցության պատգամավոր Հայկ Խանումյանը հունիսի 6-ին դաժան ծեծի էր ենթարկվել: Նրան առևանգելու փաստի առթիվ հարուցվել էր քրեական գործ, որի շրջանակում պատգամավորը ճանաչվել էր տուժող և նրա նկատմամբ որոշվել էր կիրառել պաշտպանության միջոցառումներ:
Հայկ Խանումյանը երեկ դուրս է գրվել Ստեփանակերտի հիվանդանոցից:
