6 մայիս, 2020 17:00 «R»․ թիվ, որը որոշում է համաճարակի ուժն ու արգելափակումների վերջը Financial Times-ի հոդվածագիր Քլայվ Քուքսոնը (Clive Cookson) գրում է «R» (reproduction, վերարտադրություն) թվի մասին։ Ըստ նրա, վերարտադրության թիվը կամ «R» թիվը, դարձել է կորոնավիրուսի համավարակի բռնկումները ճնշելու, արգելափակումները վերացնելու և բռնկումների երկրորդ ալիքը թույլ չտալու հարցում կառավարությունների գրանցած հաջողության այն ցուցիչը, որին հետևում են ամենամեծ ուշադրությամբ։

6 մայիս, 2020 16:35 Քաղաքական առևտրով զբաղվող ընդդիմադիր գործիչները պետք է մերժվեն հասարակության կողմից Վերջին տասնամյակների ընթացքում Արցախում տեղի ունեցած հակաժողովրդավարական գործընթացների և հասարակության աստիճանական թուլացման համար ընդունված է ողջ պատասխանատվությունը դնել իշխող էլիտաների վրա: Վերջիններս, անշուշտ, որոշիչ դերակատարություն են ունեցել երկրում քաղաքական լճացման և այլակարծության ճնշման հարցում: Իշխանություններն են իրենց քաղաքական հակառակորդների համար ստեղծել այնպիսի պայմաններ, որոնք խոչընդոտում էին նրանց բնականոն գործունեությանը:

6 մայիս, 2020 16:08 Առաջին դասարանցիների ընդունելությունը կատարվելու է առցանց․ ԿԳՄՍՆ Այս տարի ՀՀ պետական բոլոր հանրակրթական դպրոցներում առաջին դասարանցիների ընդունելությունը կատարվելու է առցանց համակարգի միջոցով։ Բոլորի համար հավասար մեկնարկային պայմաններ ապահովելու նպատակով յուրաքանչյուր ծնող, աշխարհի ցանկացած ծայրից, իր երեխային կարող է առցանց համակարգով գրանցել պետական հանրակրթական դպրոցներում` առաջին դասարան հաճախելու համար․ այս մասին հաղորդում է կրթության, գիտության, մշակույթի և սպորտի նախարարությունը։ 6 մայիս, 2020 15:24 Հայկական հետքը և համայնքը Իսպանիայում Հայկական հետքը Իսպանիայում սկիզբ է առել հնագույն ժամանակներից։ Շատ է խոսվել Իսպանիայի հյուսիս-արևելքում բնակվող բասկերի հայկական ծագման մասին: 1375-ին, երբ եգիպտական մամլուքները պաշարեցին և գրավեցին Կիլիկիայի հայկական թագավորության մայրաքաղաք Սիսը, հայոց Լևոն Զ Լուսինյան արքան գերվեց: Եվրոպական շատ գահակալներ փորձեցին միջնորդել, որպեսզի Եգիպտոսի Մելիք Աշրաֆ սուլթանն ազատ արձակի հայոց թագավորին: Միայն Կաստիլիայի Խուան Ա թագավորը կարողացավ համոզել և փրկագնել Լևոնին և 1385-ի հատուկ հրովարտակով Մադրիդ, Անդուխար և Վիլյառեալ քաղաքները հանձնեց հայոց վերջին Լևոն Զ Լուսինյան թագավորին ցկյանս տնօրինելու իրավունքով:

6 մայիս, 2020 15:14 Դատարանը բավարարեց Միքայել Մինասյանին կալանավորելու միջնորդությունը Երևանի ընդհանուր իրավասության դատարանը բավարարեց Վատիկանում Հայաստանի նախկին դեսպան, երրորդ նախագահ Սերժ Սարգսյանի փեսա Միքայել Մինասյանին կալանավորելու՝ Պետական եկամուտների կոմիտեի միջնորդությունը։ Լուրը ՍիվիլՆեթի հետ զրույցում հաստատեց Մինասյանի պաշտպան Ամրամ Մակինյանը։ Նա նաև տեղեկացրեց, որ պատրաստվում են բողոքարկել որոշումը։ 6 մայիս, 2020 14:50 Եթե բռնկումը լինի պայթյունաձև, մահճակալային ոչ մի ֆոնդ չի կարող հերիքել․ Արսեն Թորոսյան Թեստերի, դիմակների, դեղամիջոցների առումով պատրաստվածությունը շատ բարձր է, միակ պրոբլեմը գրեթե բոլոր երկրներում մահճակալային ֆոնդն է, որը այս պահին 1 550 է․ մայիսի 6-ին ճեպազրույցի ժամանակ ասաց առողջապահության նախարար Արսեն Թորոսյանը։ 6 մայիս, 2020 14:39 Կորոնավիրուսից Հայաստանն ավելի քան 600 մլրդ դրամի վնաս է կրել. Արկադի Խաչատրյան ԱԺ պատգամավոր Արկադի Խաչատրյանը ՍիվիլՆեթի Արշալույս Մղդեսյանի հետ զրուցում է կորոնավիրուսի համավարակի հարուցած տնտեսական կորուստների մասին, որոնք Հայաստանում, նրա հաշվարկներով, անցել են 600 մլրդ դրամը: 6 մայիս, 2020 14:00 Ուսանողների վարձավճարներ․ պետական աջակցությունը հասցեակա՞ն է Համավարակի օրերին շատ ուսանողներ կանգնեցին վարձերը ժամանակին վճարելու խնդրի առաջ՝ պայմանավորված արտակարգ դրության պայմաններում իրենց կամ ընտանիքի անդամների կողմից աշխատանքը կորցնելու փաստով։ Չնայած կառավարությունն ուսանողներին առաջարկեց աջակցության պետական ծրագիր՝ շատերի համար խնդիրները շարունակում են չլուծված մնալ։
6 մայիս, 2020 13:11 Չլինել կոնֆլիկտային, լինել կառուցողական, հարգալից․ վարչապետը՝ արտաքին քաղաքականության մասին Ես կարծում եմ, որ Հայաստանի արտաքին քաղաքականությունը ոչ թե փոխվում է, այլ արտաքին քաղաքականություն ստեղծվում է․ վարչապետ Նիկոլ Փաշինյանը մայիսի 6-ին Ազգային ժողովում ներկայացրեց արտաքին քաղաքականության մասին իր պատկերացումները՝ «չլինել կոնֆլիկտային, լինել կառուցողական, լինել հարգալից»։ 6 մայիս, 2020 13:10 Չի՛ կարող լինել. Փաշինյանը մեկնաբանեց Լավրովի հայտարարությունը Արցախի հարցում Հայաստանի կառավարության դիրքորոշումը գոյություն ունի՝ անկախ նրանից, թե աշխարհում էլ ինչ մոտեցումներ կան այդ խնդրի վերաբերյալ: Այս մասին այսօր՝ մայիսի 6-ին, Ազգային ժողովում հայտարարեց վարչապետ Նիկոլ Փաշինյանը՝ անդրադառնալով ՌԴ ԱԳ նախարար Սերգեյ Լարվրովի՝ բանակցային գործընթացում փուլային տարբերակի քննարկման մասին հայտարարությանը: «Բանակցային գործընթացի ողջ իմաստն այն է, որ պատասխանենք մի հարցի՝ կարո՞ղ ենք արդյոք մոտեցնել մեր դիրքորոշումները, կարո՞ղ ենք արդյոք ձևակերպել ընդհանուր դիրքորոշում»: Նա նկատեց, որ հիմնախնդրի կարգավորման որևէ տարբերակ չի կարող կյանքի կոչվել, եթե այն ընդունելի չէ Արցախի ու Հայաստանի հասարակությունների համար:
6 մայիս, 2020 12:49 «Յուքոմի» կողմից «Բիլայնը» գնելու գործընթացը դադարեցված է Հայաստանում «Բիլայն» ապրանքանիշի սեփականատեր Veon Armenia ընկերությունը հաղորդել է, որ դադարեցնում է «Յուքոմի» հետ առքուվաճառքի բանակցությունները։ 6 մայիս, 2020 11:52 Հայաստանում սոցիալական կոլապս կա՞, թե՞ ոչ. Փաշինյանի պատասխանը Ազգային ժողովում մայիսի 6-ին վարչապետ Նիկոլ Փաշինյանը, ներկայացնելով կառավարության ծրագրի 2019 թվականի կատարողականը, ասաց, որ այս տարվա ապրիլի 20-ի դրությամբ Հայաստանում եղել է ավելի քան 620 հազար աշխատատեղ: Նրա խոսքով՝ փետրվարին եղել է 618 հազար աշխատատեղ, իսկ 2019 թվականի ամռանն առաջին անգամ աշխատատեղի թիվն անցել է 600 հազարի սահմանագիծը: «Անկանխատեսելիությունը մեծ է, մենք չենք կարող ասել, թե ինչ կլինի մայիսին», - ասաց վարչապետը՝ նկատելով, որ այս տարվա ապրիլին աշխատավարձային ֆոնդը կազմել է 123,8 մլրդ դրամ:
6 մայիս, 2020 11:42 Ո՞րն է 2019-ի ամենամեծ ձախողումը՝ ըստ վարչապետի 2019-ի մեր ամենամեծ ձախողումը Հայաստանի Հանրապետության ժողովրդից գողացված փողերի վերադարձի գործընթացն է եղել․ մայիսի 6-ին վարչապետ Նիկոլ Փաշինյանը Ազգային ժողովում խոսեց կառավարության ծրագրի կատարման ընթացքի և արդյունքների մասին։ Անդրադառնալով կոռուպցիայի դեմ պայքարին՝ Փաշինյանը նշեց, որ Հայաստանի դատաիրավական համակարգում կան ինչպես նվիրյալներ, այնպես էլ «կոռուպցիոն համակարգի դավաճաններ»։
6 մայիս, 2020 11:17 Զինված ուժերի ժամկետային անձնակազմի 74 տոկոսն արդեն սնվում է նոր սննդակարգով. ՊՆ խոսնակ ՊՆ խոսնակ Շուշան Ստեփանյանը ֆեյսբուքյան իր էջում տվյալներ է ներկայացրել կառավարության ծրագրի կատարման ընթացքի և արդյունքների մասին տարեկան զեկույցից։ 6 մայիս, 2020 10:45 «Քորոնա» ժահրի ստեղծած տագնապ եւ մամուլի ազատութիւն. Զրոյց Ժիրայր Չոլաքեանի հետ Փարիզի մէջ հրատարակուող «Նոր Յառաջ» թերթի խմբագիր Ժիրայր Չոլաքեան «Զարկերակ»-ի հաղորդավար Արէն Քերթեշեանին հետ զրուցեց սփիւռքահայ տպագիր մամուլին վրայ ներկայ պայմաններուն յարուցած դժուարութիւններուն մասին։ Ան այս առիթով անդրադարձաւ նաեւ մամուլի ազատութեան եւ հայկական լրատուամիջոցներուն միջեւ համագործակցութեան վերաբերող հարցերու։
5 մայիս, 2020 22:34 Արգիշտի Քյարամյանին ԱԱԾ տնօրենի տեղակալ նշանակելու որոշումը քաղաքական է․ վարչապետի խոսնակ Արգիշտի Քյարամյանին ԱԱԾ տնօրենի տեղակալ նշանակելու որոշումը քաղաքական է և կատարվել է օրենսդրական կարգավորումների շրջանակում. ՍիվիլՆեթի հետ զրույցում ասաց ՀՀ վարչապետի մամուլի խոսնակ Մանե Գևորգյանը։

«Հաշվի առնելով Քյարամյանի աշխատանքային գործունեությունը՝ առավել նպատակահարմար է համարվել ԱԱԾ տնօրենի տեղակալի պաշտոնում նրա հետագա աշխատանքը»,- նշեց Մանե Գևորգյանը։

Հարցին, թե ինչով էր պայմանավորված Քյարամյանի կարճատև նշանակումը Քննչական կոմիտեի նախագահի տեղակալի պաշտոնում, խոսնակը պատասխանեց․ «Ամեն ինչ օրենսդրական կարգավորումների շրջանակում է»։