Եվրախորհրդարանն այսօր քվեարկել է Թուրքիայի՝ Եվրամիությանն անդամակցության շուրջ բանակցությունները սառեցնելու օգտին, հաղորդում է Եվրախորհրդանի կայքը։
Որոշման օգտին քվեարկել է 479 պատգամավոր, 37-ն արտահայտվել է դեմ, 107-ը՝ ձեռնպահ։
Եվրամիությանն այս քայլը արձագանք է Թուրքիայում հեղաշրջման փորձից հետո իշխանությունների կողմից ընդդիմության և անկախ մամուլի դեմ իրականացվող բռնաճնշումների։
Եվրախորհրդարանի բանաձևում ասված է, որ Թուրքիան, այդուհանդերձ, պետք է կապված մնա ԵՄ-ին։ Խորհրդարանականները նաև խոստացել են վերանայել իրենց դիրքորոշումը, երբ անհամաչափ ռեպրեսիվ միջոցները Թուրքիայում վերացվեն։
«Թուրքիան կարևոր գործընկեր է ԵՄ-ի համար, սակայն գործընկերային հարաբերություններում համագործակցելու ցանկությունը պետք է երկկողմ լինի ․․․ Թուրքիան ցույց չի տալիս այդ քաղաքական կամքը, քանի որ կառավարության գործողությունները շարունակում են Թուրքիան շեղել եվրոպական ճանապարհից»,- ասված է բանաձևում։
Բանակցությունների ժամանակավոր սառեցումը նշանակում է, որ Թուրքիայի հետ չեն բացվի բանակցությունների նոր գլուխներ և չեն սկսվի նոր նախաձեռնություններ։
Եվրախորհրդարանականները հայտարարում են, որ մահապատժի վերադարձը Թուրքիայում այն կարմիր գիծն է, որը չպետք է հատվի։
ԵՄ իրավունքը միաձայն մերժում է պատժի այդ միջոցը։
Ավելին՝ ԵՄ-ն սպառնում է սառեցնել Թուրքիայի հետ բանակցությունները, Էրդողանի համար դա «արժեք չունի»։