Ավստրիայի խորհրդարանի անդամները սատարել են երկրի վեց քաղաքական ուժերի նախաձեռնությանը՝ Թուրքիային սպառազինությունների մատակարարման դադարեցման վերաբերյալ, հաղորդում են քրդական Rudaw և թուրքական Anadolu գործակալությունները:
Բանաձևը կոչ է անում ավստրիական իշխանություններին արգելք դնել Թուրքիային զենք-զինամթերքի վաճառքի վրա: Շեշտվում է, որ Թուրքիայում տեղի են ունենում «մարդու իրավունքների ոտնահարումներ, իսկ ներկրված զենքը կարող է օգտագործվել ընդդիմության դեմ»:
Ավստրիայի Կանաչների կուսակցության անդամ Բերիվան Ասլանը, որը սատարել է նախաձեռնությանը, Թվիթերում գրել է, որ որոշումն ընդունվել է միաձայն:
Bugün Avusturya Parlamentosunda “Türkiye’ye Silah Ambargosu” kararnamesi OY BIRLIĞI ile geçti!#Avusturya #AKP #AB #Avrupa #SilahAmbargosu pic.twitter.com/A8tuSM11xL
— Berîvan Aslan (@Berivan_Aslan_) November 24, 2016
«Մենք դեմ ենք Թուրքիային դիպուկազարկ զենքի մատակարարմանը»,- հայտարարել է Կանաչներից Պետեր Պիլցը՝ նկատելով, որ Ավստրիան Եվրամիության առաջին երկիրն է, որը նման որոշում է ընդունել և կարծիք հայտնելով, որ մյուս երկրները պետք է հետևեն Վիեննայի օրինակին:
Հունվարի 24-ին Եվրախորհրդարանի՝ Թուրքիայի հետ անդամակցության բանակցությունների սառեցման վերաբերկալ որոշմանն աջակցություն է հայտնել Ավստրիայի ԱԳՆ ղեկավար Սեբաստիան Կուրցը:
Es zeigt, dass Europa nicht wegsieht: Die negativen Entwicklungen in der #Türkei müssen Konsequenzen haben. @ManfredWeber 2/2
— Sebastian Kurz (@sebastiankurz) November 24, 2016