Ֆրանսիայի ներքին գործերի նորանշանակ նախարարը իր հայանպաստ գործունեությամբ հայտնի, Ֆրանսիայի Ազգային Ժողովում Հայոց ցեղասպանության ժխտումը քրեականացնող օրինագծի պաշտպան Բրունո Լե Ռուն է։
Լե Ռուն մի շարք անգամներ այցելել է Հայաստան և Ղարաբաղ, հայ-ֆրանսիական հարաբերությունների ամրապնդման ջատագով է։
Պաշտոնական Բաքուն, արձագանքելով Լե Ռուի նշանակմանը, ի դեմս ԱԳՆ խոսնակ Հիքմեթ Հաջիևի, հայտարարել է, որ նա ներառված է Ադրբեջանի «սև ցուցակում», քանի որ Ֆրանսիայի խորհրդարանականի կարգավիճակով 2015թ․ սեպտեմբերին «ապօրինի այց» է կատարել Լեռնային Ղարաբաղ, հանդիսանում է «Ֆրանսիա-Արցախ» բարեկամական խմբի անդամ։