Հայաստանի կառավարությունն այսօրվա նիստում հավանություն է տվել Արաբական Միացյալ Էմիրությունների հետ քաղաքացիների մուտքի արտոնագրի պահանջի վերացման մասին համաձայնագրի կնքման առաջարկությանը։
«Այս նախագծի նպատակն է զարգացնել թե՛ տուրիզմը, թե՛ գործարար համագործակցությունը»,- նախագիծը ներկայացնելիս ասել է ՀՀ արտաքին գործերի նախարարի տեղակալ Շավարշ Քոչարյանը:
ԱՄԷ մուտքի զբոսաշրջային այցագիրը արժե 96 ԱՄՆ դոլար։
Կառավարությունն ավելի վաղ հավանություն էր տվել Դուբայում Հայաստանի գլխավոր հյուպատոսություն ստեղծելու նախագծին:
Լուսանկարում՝ Սերժ Սարգսյանը Արաբական Միացյալ Էմիրությունների մայրաքաղաք Աբու Դաբիում, 2016թ․ սեպտեմբեր։
