Աշխարհահռչակ երաժիշտ Էլթոն Ջոնը Ֆեյսբուքի իր էջում գրառում է արել, որում Հայոց ցեղասպանությունը որակել է «սարսափելի»։
«Ես ուրախ եմ ազդարարել «Խոստումը» ֆիլմի թողարկումը՝ պատմություն Առաջին աշխարհամարտի սկզբին տեղի ունցած Հայոց ցեղասպանության մասին։ Այն, ինչ տեղի է ունեցել Հայաստանում, սարսափելի էր։ Դա սխալ էր։ Եկեք պահենք #Խոստումը՝ երբեք չմոռանալ և առաջ տանել մարդու իրավունքները՝ որտեղ լինենք, ինչպես կարողանանք», – գրել է երաժիշտը՝ տեղեկացնելով, որ ֆիլմից ստացված ողջ հասույթը կուղղվի բարեգործությանը։
Փետրվարի վերջին Լոս Անջելեսում Էլթոն Ջոնի գլխավորությամբ անցկացված դրամահավաք ճաշկերույթի ժամանակ ցուցադրվել էր «Խոստումը» ֆիլմը: Հայոց ցեղասպանության մասին պատմող ժապավենի ցուցադրությանը ներկա են եղել հոլիվուդյան հարյուրավոր աստղեր։
.@eltonofficial & @esrailian from Sunday night’s premiere of The Promise! Film proceeds to help support @ejaf, other orgs #KeepThePromise pic.twitter.com/33jiopLBbA
— The Promise (@thepromisefilm) March 1, 2017
«Ոչ ոք չի մոռացվում․ հենց դա է տեղի ունեցել Հայոց ցեղասպանության դեպքում»,- ասել էր Ջոնը։
Empires fall. Love survives. Oscar Isaac, Charlotte Le Bon, and Christian Bale star in the powerful film The Promise – in theaters April 21. pic.twitter.com/3jukZjXdsX
— The Promise (@thepromisefilm) March 2, 2017
«Խոստումը» ֆիլմի նկարահանման ծախսերը հոգացել է ամերիկահայ գործարար, միլիարդատեր Քըրք Քըրքորյանը։ Աշխարհահռչակ ռոք երաժիշտ, System of a Down խմբի մենակատար Սերժ Թանկյանը ֆիլմի եզրափակիչ մասի երաժշտության համահեղինակն է։
Ֆիլմի գովազդային արշավին միացել է նաև հայտնի թենիսիստ, հայկական ծագում ունեցող Անդրե Աղասին։ Թվիթերի միկրոբլոգում հրապարակված տեսանյութում Աղասին կոչ է անում օգնել իրեն պահել Քըրքի «խոստումը»։
#KeepThePromise…@ThePromiseFilm pic.twitter.com/0czA1DrRVU
— Andre Agassi (@AndreAgassi) March 30, 2017
