Հայաստանում թույլ երկրաշարժ է գրանցվել, այս մասին հաղորդագրություն է տարածել արտակարգ իրավիճակների նախարարությունը։
«Ապրիլի 18-ին, տեղական ժամանակով ժամը 10:49-ին (Գրինվիչի ժամանակով` ապրիլի 18-ին, ժամը 06:49-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 41.020 և արևելյան երկայնության 44.170 աշխարհագրական կոորդինատներով (Հայաստան, Ստեփանավան քաղաքից 18 կմ դեպի արևմուտք), օջախի 10 կմ խորությամբ, 2.3 մագնիտուդով երկրաշարժ:
Ստորգետնյա ցնցման ուժգնությունն էպիկենտրոնում կազմել է 3 բալ: Երկրաշարժը զգացվել է Ձորաշեն և Սարապատ գյուղերում՝ 3 բալ ուժգնությամբ»,- ասվում է հաղորդագրությունում:
