10:40
Ոստիկանության հաղորդագրության համաձայն՝ Լոշմանովը որոնվում է որպես անհետ կորած։
«Ապրիլի 18-ին, ժամը 11.10-ին, ոստիկանության Մուշի բաժնում հաղորդում է ստացվել, որ ՌԴ քաղաքացի, 1982 թ. ծնված Դմիտրի Լոշմանովը ապրիլի 16-ին, ժամը 9.30-ի սահմաններում, դուրս է եկել զորամասից գնումներ կատարելու նպատակով և չի վերադարձել:
Դ. Լոշմանովի արտաքին նկարագիրն է՝ հասակը մոտ 170 սմ, միջին կազմվածքով, հագին եղել է մոխրագույն մարզահագուստ, սև կիսաբաճկոն և սպորտային կոշիկներ։
Նրա գտնվելու վայրի վերաբերյալ որևէ տեղեկություն ունեցողներին խնդրում ենք դիմել ոստիկանության Մուշի կամ մոտակա բաժին կամ զանգահարել 1-02, /0312/ 5-85-54, 3-18-61, 093-32-39-80 հեռախոսահամարներով»,- ասված է հաղորդագրությունում։
10:00
Ապրիլի 16-ին Գյումրու ռուսական 102-րդ ռազմաբազայի պայմանագրային զինծառայող Դմիտրի Լոշմանովը դուրս է եկել գնումներ կատարելու և չի վերադարձել հանրակացարան, հաղորդում են ռուսաստանյան լրատվամիջոցները։ Հաղորդվում է, որ նա քաղաքացիական հագուստով էր՝ առանց զենքի։
Ապրիլի 18-ին զինծառայողը չի ներկայացել զորամաս։
ՌԴ ԶՈւ Հարավային օկրուգի մամուլի ծառայությունը տեղեկացնում է, որ զորամասի հրամանատարությունը հայաստանյան իրավապահ մարմինների հետ համատեղ որոնում է Լոշմանովին։
Ոստիկանությունից ՍիվիլՆեթին տեղեկացրին, որ որոնողական աշխատանքները ներկայում շարունակվում են:
