Վրաստանը Թուրքիայի և Ադրբեջանի հետ այս ամսվա վերջին Բաթումիում եռակողմ նախարարական հանդիպմանը կստորագրի պաշտպանության ոլորտում համագործակցության վերաբերյալ հուշագիր․ այս մասին հայտարարել է Թուրքիայում երկօրյա այցով գտնվող Վրաստանի պաշտպանության նախարար Լևան Իզորիան թուրք պաշտոնակից Ֆիքրի Ըշըքի հետ հանդիպումից հետո։ Նա նշել է, որ հուշագիրը միտված է լինելու պաշտպանության ոլորտում համագործակցության խորացմանը։
MoD #Izoria met w/ @fikriisik at #IDEF2017
Discussed upcoming GE+TR+AZ ministerial in Batumi & thanked 4 firm political & practical support pic.twitter.com/rzPoaS9cLt— MOD Georgia (@ModGovGe) May 11, 2017
Ինչպես հաղորդում է agenda.ge կայքը, Իզորիան ասել է, որ Ըշըքի հետ հանդիպումը «շատ արդյունավետ էր»։ Իզորիան շնորհակալություն է հայտնել պաշտոնակցին «ամուր քաղաքական աջակցության» և «գործնական օժանդակության համար»։