Ընդդիմադիր «Ելք» խմբակցությունը հանդես է գալիս Հայաստանի՝ ԵԱՏՄ-ից դուրս գալու օրենսդրական նախաձեռնությամբ։ ՍիվիլՆեթի Թաթուլ Հակոբյանը զրուցել է խմբակցության ղեկավար Նիկոլ Փաշինյանի հետ։ Զրույցի ընթացքում անդրադարձ է եղել վարչապետ Կարեն Կարապետյանի մեկամյա գործունեությանը, Սերժ Սարգսյանի՝ հեռանալ չհեռանալուն, փողոցների անվանափոխությանը։
-
Նիկոլ Փաշինյանը Սամվել Կարապետյանի հետ ներդրումային ծրագրեր է քննարկել
Վարչապետի պաշտոնակատար Նիկոլ Փաշինյանն ընդունել է «Տաշիր» ընկերությունների խմբի նախագահ, «Հայաստանի ներդրողների ակումբի» հիմնադիր Սամվել Կարապետյանին: Հանդիպմանը զրուցակիցներն անդրադարձել են տնտեսության ոլորտում ՀՀ կառավարության ծրագրերին, գործարար միջավայրի բարելավմանն ուղղված քայլերին ու բարեփոխումներին: Այդ համատեքստում քննարկվել են «Տաշիր» ընկերությունների խմբի կողմից իրականացվող ներդրումային ծրագրերի ընթացքն ու ապագայում նախատեսվող նախագծերը։ Սամվել Կարապետյանը վստահեցրել է, որ բոլոր մեկնարկած ծրագրերը լինելու են շարունակական:
-
Ես պատրաստ էի կրել դավաճանի պիտակը, բայց լուծել Ղարաբաղի հարցը․
Երրորդ նախագահ Սերժ Սարգսյանը հարցազրույց է տվել BBC-ի ռուսական ծառայության թղթակից Գրիգոր Աթանեսյանին։ Նա խոսել է իր օրոք բանակցային գործընթացի մասին և բացահայտել մանրամասներ։ Հարցազրույցից հատված թարգմանաբար ներկայացվում է ստորև։ – Մենք շատ բովանդակային բանակցություններ ենք վարել, ոչ ոք չի կարող մեզ մեղադրել, որ ոչմիթիզականության կողմնակից էինք կամ ձգձգում էինք բանակցային գործընթացը։ Որևէ պարագայում ինձնից չէիք կարող լսել, որ մենք երբեք չենք վերադարձնի այդ հողերը։ Ես անգամ 2000-ին Ազգային ժողովում հայտարարեցի, որ Աղդամը իմ հայրենիքը չէ։ Ավելի բացահայտ կարելի՞ էր միթե արտահայտել դա։ Ես պատրաստ էի կրել դավաճանի պիտակը, բայց լուծել հարցը, որպեսզի մենք չարժանանանք նման բախտի։ Ես չէի մտածում […]
-
«Քաղաքական ուղեծրից վստահաբար դուրս չենք գա»․ Դավիթ Խաժակյանը՝ «Լուսավոր Հայաստանի»
Հունիսի 20-ի արտահերթ խորհրդարանական ընտրություններին անցողիկ շեմը չհաղթահարած կուսակցություններից է «Լուսավոր Հայաստանը»։ Կուսակցության առաջնորդ Էդմոն Մարուքյանը և Երևանի ավագանու անդամ Դավիթ Խաժակյանը խոսում են կուսակցության ապագա ծրագրերի մասին։
-
ՁայնաZOOM․ Գերիների հարազատները շարունակում են պահանջել իրենց հարազատների վերադարձը
ՍիվիլՆեթն ամփոփում է հունիսի 24-ի հիմնական իրադարձությունները․ Ռազմագերիների հարազատները նստացույց են անում Քվեարկության արդյունքները վերահաշվարկվել են, «Հայաստան» դաշինքի և «Քաղաքացիական պայմանագիր» կուսակցության քվեները՝ ավելացել «Հայաստան» դաշինքի անդամ Արմեն Չարչյանը կալանավորվել է Հայաստանում աշխատատեղերի թիվը ավելացել է Թուրքական ծագման ապրանքների՝ Հայաստան ներմուծման արգելքը 6 ամսով երկարաձգվել է
-
Նիկոլ Փաշինյանը հեռախոսազրույց է ունեցել Վլադիմիր Պուտինի հետ
Վարչապետի պաշտոնակատար Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Այս մասին հայտնում է վարչապետի պաշտոնական կայքը։ Հաղորդագրությունում նշվում է, որ Պուտինը Փաշինյանին շնորհավորել է Հայաստանում ընտրությունների բարեհաջող անցկացման և դրանցում արձանագրած հաղթանակի կապակցությամբ: «Զրուցակիցներն անդրադարձել են նաև տարածաշրջանում տիրող իրավիճակին և 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների դրույթների իրականացման ընթացքին: Տվյալ համատեքստում ՀՀ վարչապետի պաշտոնակատարի կողմից ընդգծվել է ռազմագերիների վերադարձի առաջնային նշանակությունը»,- հայտնում են վարչապետի աշխատակազմից։ Երեկ՝ հունիսի 23-ին, Վլադիմիր Պուտինը հեռախոսազրույց էր ունեցել Ադրբեջանի նախագահ Իլհամ Ալիևի հետ։ Ալիևի նախաձեռնությամբ տեղի ունեցած հեռախոսազրույցում կողմերը քննարկել էին տարածաշրջանում տրանսպորտային կապերի ապաշրջափակումը։
-
Պայքար «սնկի պես աճող» կրպակների դեմ
Խորհրդարանական ընտրություններից հետո ակտիվացան ապօրինի կրպակների շուրջ քննարկումները։ Սոցիալական ցանցերի օգտատերերը գրառումներ էին կատարում՝ պնդելով, որ նախքան ընտրություններն ու ընտրությունների օրը Երևանի՝ Աջափնյակ վարչական շրջանում, ինչպես նաև այլ հատվածներում տեղադրվել են կրպակներ։ Աջափնյակի բնակիչները ընտրության հաջորդ օրը նկատել են սնկի պես բուսնող ապօրինի կրպակներ։
-
Պատերազմում զոհված 19-ամյա Արտակի և Էրիկի վերջին ցանկությունը իրականացրել են
Արևածագցիներ Էրիկ Աբրահամյանը և Արտակ Սուքիասյանը մանկության ընկերներ էին: Նրանք միասին 12 տարի սովորել են գյուղի դպրոցի նույն դասարանում: Դպրոցն ավարտելուց հետո ընկերները նույն օրը՝ հուլիսի 8-ին, մեկնել են զինվորական ծառայության: Էրիկը ծառայում էր Ֆիզուլիի զորամասի Հադրութի տանկային վաշտում, Արտակը՝ Մատաղիսում: Զոհվելու նախորդ գիշերը դպրոցական ընկերներից մեկին Արտակը զանգել և խնդրել է հայրենի գյուղի Ղաչաղանի ձորում՝ Ձորագետի ափին, իր վաշտի տղաների քանակով՝ 30 նստատեղով հանգստի տաղավար կառուցել: Արտակի և Էրիկի հայրերը՝ Արմեն Սուքիասյանը և Արթուր Աբրահամյանը, համատեղ ջանքերով և համագյուղացիների աջակցությամբ Ղաչաղանի ձորում հուշաղբյուր ու 30 նստատեղով հանգստի տաղավար են կառուցել: Արտակի և Էրիկի հուշաղբյուրի մոտ հանդիպեցինք տղաների հայրերին: Նրանք բացատրեցին, […]
