Քաղաքական վերլուծաբան Միքայել Զոլյանը ՍիվիլՆեթի Թաթուլ Հակոբյանի հետ զրուցում է Կատալոնիայի, Քրդստանի անկախության հանրաքվեների, Արցախի ինքնորոշման իրավունքի իրացման հարցերի շուրջ։
-
ՁայնաZOOM. Քաղաքապետարանի աշխատակիցները ավելի բարձր կվարձատրվեն
ՍիվիլՆեթն ամփոփում է հուլիսի 27-ի հիմնական իրադարձությունները․ ✓Արցախում զինծառայող է զոհվել✓Զոհված կամ հաշմանդամություն ձեռք բերած ևս 43 զինվորներ կամ նրանց ընտանիքները հատուցում են ստացել✓Նոյեմբերի 9-ի հայտարարության ամբողջական կատարմանը խոչընդոտում է ոչ թե Հայաստանը, այլ Ադրբեջանը․ ՀՀ ԱԳՆ✓Երևանի քաղաքապետարանի շուրջ 2 000 աշխատակիցների աշխատավարձերը կբարձրացվեն
-
«Պատիվ ունեմը» առաջարկում է Արցախի հարցերով ԱԺ մշտական հանձնաժողով ստեղծել
«Պատիվ ունեմ» դաշինքն առաջարկում է 8-րդ գումարման Ազգային ժողովում ստեղծել Արցախի հարցերով մշտական հանձնաժողով։ Այս մասին Ֆեյսբուքի իր էջում գրել է դաշինքի ղեկավար Արթուր Վանեցյանը։ «Հաշվի առնելով հետընտրական շրջանում Արցախի շուրջ ստեղծված իրավիճակը, Արցախին առնչվող բազմաթիվ նոր խնդիրները և մարտահրավերները՝ անվտանգայինից մինչև սոցիալական, մշակութայինից մինչև տնտեսական, ճիշտ եմ համարում ԱԺ մշտական հանձնաժողովների շարքում ստեղծել Արցախի հարցերով մշտական հանձնաժողով»,- գրել է նա։ Վանեցյանի խոսքով՝ «Պատիվ ունեմ» դաշինքը նախատեսում է ԱԺ առաջին նիստում հանդես գալ նման նախաձեռնությամբ և լրացուցիչ հիմնավորումներով։
-
Լիզպոնի հերոսներէն Սիմոն Եահնիեանի եղբօր՝ Զարեհի հետ
Լիզպոնի գործողութեան 38-ամեակն է։ Սխրանքը աննախընթաց էր և իր տարողութեամբ նոր շրջափուլ բացաւ հայոց նորագոյն պատմութեան մէջ։ Այս առիթով «Զարկերակ»-ի հաղորդավար Արէն Քերթեշեան հարցազրոյց մը ունեցաւ Լիզպոնի հերոսներէն՝ Սիմոն Եահնիեանի եղբօր՝ Զարեհի հետ։
-
Վահան Քերոբյանը հաստատում է՝ երկնիշ տնտեսական աճ լինելու է
Էկոնոմիկայի նախարարի պաշտոնակատար Վահան Քերոբյանը ՍիվիլՆեթի Արշալույս Մղդեսյանի հետ զրույցում խոսել է սպասվող տնտեսական աճի, հանքարդյունաբերության ոլորտի հարկային բեռի մեծացման, «Զանգեզուրի պղնձամոլիբդենային կոմբինատի» շուրջ կատարվող գործընթացների, ընկերությունների կուտակած հարկային պարտավորությունների ու ներդրումային նոր ծրագրերի մասին: Քերոբյանը վստահ է՝ այս տարվա առաջին կիսամյակի տնտեսական ակտիվության աճի տվյալները հաստատում են՝ երկնիշ տնտեսական աճ լինելու է: 00:00 Վահան Քերոբյանը հաստատում է՝ երկնիշ տնտեսական աճ լինելու է 00:15 հաստատում եմ՝ երկնիշ տնտեսական աճ լինելու է 02:12 երեք կոմպոնենտ․ կառավարությունը փոխում է աջակցության ծրագրերից մեկը 08:40 1 500 ընկերություն կուտակել է 25 մլրդ դրամի հարկային պարտավորություն 09:27 մեկ ամսվա ընթացքում 300 մլն դոլարի արտահանում. աճի […]
-
Նոյեմբերի 9-ի հայտարարության ամբողջական կատարմանը խոչընդոտում է ոչ թե Հայաստանը,
Պաշտոնական Երևանը հակադարձում է Ադրբեջանի արտգործնախարար Ջեյհուն Բայրամովին՝ շեշտելով, որ 2020 թ. նոյեմբերի 9-ի և 2021 թ. հունվարի 11-ի հայտարարությունների ամբողջական կատարմանը խոչընդոտում է ոչ թե Հայաստանը, այլ Ադրբեջանը: Այս մասին «Արմենպրես»-ի հարցմանն ի պատասխան հայտնել են Հայաստանի արտաքին գործերի նախարարությունից։ Սերբիայի արտգործնախարարի հետ համատեղ ասուլիսի ընթացքում Ադրբեջանի արտգործնախարար Ջեյհուն Բայրամովը Հայաստանին մեղադրել էր նոյեմբերի 9-ի եռակողմ հայտարարության իրականացման հարցում խոչընդոտներ հարուցելու մեջ։ Հայաստանի ԱԳՆ-ից նշում են, որ ադրբեջանական կողմը խախտել է նոյեմբերի 9-ի հայտարարության 1-ին և 7-րդ կետերը ու մինչ օրս չի կատարել հայտարարության 8-րդ կետը, որի համաձայն պետք է տեղի ունենար ռազմագերիների, պատանդների և այլ պահվող անձանց փոխանակումը։ Ըստ […]
-
Զոհված կամ հաշմանդամություն ձեռք բերած ևս 43 զինվորներ կամ նրանց
44-օրյա պատերազմի հետևանքով զոհված կամ հաշմանդամություն ձեռք բերած ևս 43 զինծառայողներ կամ նրանց ընտանիքները հատուցում են ստացել։ Այս մասին հայտնում է Զինծառայողների ապահովագրության hիմնադրամը։ «Հուլիսի 21-ի դրությամբ Հիմնադրամի հիմնական շահառուների թիվը 4 220 է, որոնցից 416-ը Հիմնադրամի շահառու էին դարձել նախքան 2020 թվականի պատերազմը»,- ասված է հաշվետվության մեջ։ Զինծառայողների ապահովագրության հիմնադրամը ստեղծվել է հայրենիքի սահմանները պաշտպանելիս զոհված, անհետ կորած, զինհաշմանդամության 1-ին, 2-րդ կարգ ձեռք բերած մարտիկների ու նրանց ընտանիքների սոցիալական բարօրության, կայուն և հավասար ապահովագրական հատուցումներ տրամադրելու նպատակով: Հիմնադրամի միջոցները գոյանում են Հայաստանում ու Արցախում եկամուտ ստացող անձանց ամսական պարտադիր վճարներից, ինչպես նաև կամավոր նվիրատվություններից, որոնք ստացվում են նաև սփյուռքից։
-
Արցախում զոհված զինծառայողը ինքն իրեն կրծքավանդակի շրջանում արձակել է մենահատ
Հայաստանի քննչական կոմիտեն մանրամասներ է հայտնում հուլիսի 26-ին Արցախում զոհված զինծառայողի գործով։ «Հարուցված քրեական գործով կատարված նախաքննությամբ պարզվել է, որ 2021թ. հուլիսի 26-ին՝ ժամը 22։26-ի սահմաններում, ՊԲ N զորամասի պարտադիր ժամկետային զինծառայող Սարգիս Ժիրայրի Գրիգորյանը կրակային դիրքում իրեն ամրակցված ԱԿ տեսակի ինքնաձիգից ինքն իրեն կրծքավանդակի ձախ շրջանում արձակել է մենահատ կրակոց և ստացել մահացու հրազենային վնասվածք։ Քրեական գործով նախաքննությունը շարունակվում է»,- տեղեկացնում է կոմիտեն։ Ավելի վաղ պաշտպանության բանակի մամուլի ծառայությունը հայտնել էր, որ Արցախի հյուսիսային ուղղությամբ տեղակայված զորամասերից մեկի պահպանության տեղամասում մահացու վիրավորում է ստացել ՊԲ զինծառայող, 2002թ. ծնված Սարգիս Ժիրայրի Գրիգորյանը։
