Գերմանիայի քրիստոնեա-դեմոկրատները Եվրոպայի խորհրդի խորհրդարանական վեհաժողովի գերմանական պատվիրակությունից հեռացրել են խորհրդարանականներ Կարին Շտրենցին և Աքսել Ֆիշերին, հաղորդում է Der Spiegel պարբերականը։ Նրանք մեղադրվում են Ադրբեջանական լվացքատան սկանդալում ներքաշված լինելու մեջ։
Ինչպես հաղորդում է Deutsche Welle պարբերականը, Կարին Շտրենցը կանցլեր Անգելա Մերկելի Քրիստոնեա-դեմոկրատական միության անդամ է: Գերմանական Süddeutsche Zeitung թերթի տվյալներով՝ Շտրենցն իր քաղաքական կարիերայում ցուցաբերել է ադրբեջանամետ դիրքորոշում։ Նա աշխատել է Ադրբեջանի կողմից ֆինանսավորվող լոբբիստական ընկերության համար, 2015թ․ Եվրոպայի խորհրդում նա քվեարկել է բանաձևի դեմ, որը կոչ էր անում ազատ արձակել Ադրբեջանում քաղաքական բանտարկյալներին՝ դառնալով գերմանացի միակ պատգամավորը, որը դեմ է քվեարկել։
Մատնանշավում է նաև, որ Շտրենցի անձնական կայքում լուսանկարներից մեկում նա կագնած է Ադրբեջանի նախագահ Իլհամ Ալիևի հետ։
BREAKING: German news magazine @DerSPIEGEL:
Christian democrats in Germany withdraw #Strenz and #Fischer from german #PACE delegation. pic.twitter.com/tDdDRzikWq— Frank Schwabe (@FrankSchwabe) October 27, 2017
Ավելին՝ Ադրբեջանական լվացքատուն․ Ալիևները՝ միջազգային հետաքննական սկանդալի կենտրոնում։