Արտգործնախարար Էդվարդ Նալբանդյանը Իսրայել պաշտոնական այցի շրջանակներում այցելել է Երուսաղեմի Հայոց պատրիարքարան և հանդիպել է պատրիարք Նուրհան արքեպիսկոպոս Մանուկյանին։
Հանդիպման ընթացքում վերջիններս անդրադարձել են համահայկական օրակարգի մի շարք հարցերի:
«Նոյեմբերի 6-ին Իսրայել պաշտոնական այցի շրջանակներում արտգործնախարար Էդվարդ Նալբանդյանն այցելել է Երուսաղեմի Հայոց պատրիարքարան, որտեղ հանդիպել է պատրիարք Նուրհան արքեպիսկոպոս Մանուկյանին։
Էդվարդ Նալբանդյանը Երուսաղեմի հայոց պատրիարքին ներկայացրել է իր այցելության նպատակները, արդեն ունեցած հանդիպումների արդյունքները։
Հանդիպմանը անդրադարձ է արվել Սուրբ Հարության տաճարի երեք իրավատեր եկեղեցիների համագործակցության հարցերին»,- ասվում է հաղորդագրությունում։
