Ռուսական «Կոմերսանտ» թերթը, վկայակոչելով իր դիվանագիտական աղբյուրները, գրում է, որ ԼՂ հակամարտության գոտում կողմերը համաձայն են խաղաղապահների տեղակայմանը։
Ռուսաստանի արտգործնախարար Սերգեյ Լավրովի Բաքու [նոյեմբերի 21-ին՝ նաև Երևան] այցի ընթացքում ռուսական պատվիրակության դիվանագիտական աղբյուրը «Կոմերսանտին» ասել է, որ Բաքվում և Երևանում հիմնականում համաձայն են Լեռնային Ղարաբաղի շուրջ յոթ շրջաններից հինգը Ադրբեջանին վերադարձնելուն և այնտեղ խաղաղապահների տեղակայմանը։ Ըստ աղբյուրի՝ բանակցությունները, սակայն, հենվում են, թե երբ և ինչպես կորոշվի Ղարաբաղի վերջնական կարգավիճակը, կնախատեսվի արդյոք որևէ ժամանակավոր կարգավիճակ և ինչպիսին կլինի Ղարաբաղը Հայաստանին կապող միջանցքը։
Ռուսաստանի արտգործնախարար Սերգեյ Լավրովը նոյեմբերի 20-ին Բաքվում բանակցություններ է վարել Ադրբեջանի ղեկավարների հետ, ելույթ ունեցել Ադրբեջանի դիվանագիտական ակադեմիայում։
Նոյեմբերի 21-ին Լավրովը Երևանում հանդիպում կունենա Հայաստանի արտգործնախարարի և նախագահի հետ։
Լավրովի՝ Ադրբեջան և Հայաստան այցի վերաբերյալ կարդացեք նաև․
Ինչ առաջարկներ են դրված Ղարաբաղյան բանակցությունների սեղանին․ «Կոմերսանտի» անդրադարձը
Ի՞նչ ակնկալել Ղարաբաղյան բանակցությունների նոր փուլից
Ռուս-ամերիկյան հարաբերությունների լարվածությունը չի ազդում Ղարաբաղյան գործընթացի վրա․ Լավրով
Ղարաբաղյան կարգավորման բազմաթիվ ուղղություններ արդեն ուրվագծված են․ Լավրով
