Չորեքշաբթի օրը Իրանը ՄԱԿ-ում խստորեն դատապարտել է Միացյալ Նահանգներին իր ներքին գործերին միջամտելու համար, հաղորդում է Al-monitor կայքը: Դա հետևել է ԱՄՆ-ի նախագահ Դոնալդ Թրամփի կողմից իրանցի ցուցարարներին աջակցող հայտարարության հրապարակմանը:
Such respect for the people of Iran as they try to take back their corrupt government. You will see great support from the United States at the appropriate time!
— Donald J. Trump (@realDonaldTrump) January 3, 2018
«Իրանցի ժողովրդի` իր կոռումպացված կառավարությանը տապալելու փորձերը հարգանքի են արժանի: Պատշաճ պահի դուք կստանանք մեծ աջակցություն Միացյալ Նահանգներից»,- Թվիթերում գրել է Թրամփը:
ՄԱԿ-ում Իրանի դեսպան Ղոլամալի Խոսրոոն ՄԱԿ-ի գլխավոր քարտուղարին հղված նամակում նշել է, որ Միացյալ Նահանգների միջամտությունը Իրանի ներքին գործերին իրականացվում է «գրոտեսկային ձևով` ոչ պարբերական, հատուկենտ բողոքի ցույցերին աջակցություն հայտնելով»:
Խոսրոոն Վաշինգտոնին մեղադրել է միջազգային իրավունքը ոտնահարելու մեջ և կոչ արել երկրներին դատապարտել ԱՄՆ-ի հայտարարությունները:
«Միացյալ Նահանգների նախագահն ու փոխնախագահը իրենց բազմաթիվ անհեթեթ թվիթներում դրդել են իրանցիներին ներքաշվել կործանարար գործողություններում»,- հայտարարել է Իրանի դեսպանը:
Դեկտեմբերի վերջին օրերին Իրանի Մաշհադ քաղաքում բռնկվել էր բողոքի ցույց ընդդեմ տնտեսական և սոցիալական խնդիրների: Բողոքի ալիքն արագ տարածվել է երկրով մեկ` խլելով ավելի քան երկու տասնյակ կյանք:
Իրանցի օգտատերերն այս օրերին սոցիալական ցանցերում տեղադրում են ցույցերի լուսանկարներ և տեսանյութեր:
IRGC motorcycles being burst by anti Islamic Regime Iranian protestors as demonstrations take place in the holy city of Mashhad, Iran.#IranianProtests #IranProtests #HumanRights #ایران pic.twitter.com/KXRoIoZLnE
— #IranProtests #IranianProtests (@ProtestsIran) December 30, 2017
Կարդացեք նաև` Իրանում ցույցերին աջակցում են Թրամփը և Նաթանյահուն. Թուրքիայի արձագանքը: