2018թ․ հոկտեմբերին Ադրբեջանում կայանալիք նախագահական ընտրություններին իշխող՝ «Նոր Ադրբեջան» կուսակցությունից թեկնածու է առաջադրվել գործող նախագահ Իլհամ Ալիևը։
57-ամյա Ալիևը չորրորդ անգամ է առաջադրում իր թեկնածությունը Ադրբեջանի ղեկավարի պաշտոնում։ Նա ընտրվել էր 2003, 2008 և 2013 թվականներին։
2009թ․ Ադրբեջանում կայացած սահմանադրական հանրաքվեի արդյունքում վերացվել էր սահմանափակումը, որով միևնույն անձը չէր կարող ավելի քան երկու անգամ անընդմեջ ընտրվել Ադրբեջանի նախագահի պաշտոնում:
2016թ․ սեպտեմբերին Ադրբեջանում սահմանադրության փոփոխությամբ նախագահի լիազորությունների ժամկետը երկարաձգվել է։
Ադրբեջանում նախագահական ընտրություններն անցկացվելու են այս տարվա հոկտեմբերի 17-ին։
Ավելին՝ Հանուն Հեյդար Ալիևի. Ադրբեջանը փոխում է Սահմանադրությունը