Սերժ Սարգսյանի տասը տարում Հայաստանից հեռացել է 373 000 մարդ

Արտագաղթը շարունակում է մաշել Հայաստանը և մնալ երկրի ազգային անվտանգության սպառնալիքներից մեկը։

2017-ին, ըստ պաշտոնական տվյալների, Հայաստանից հեռացած և ժամանած քաղաքացիների թվի տարբերությունը 36 000 է։ (2017թ, վիճակագրության մասին՝ Արտագաղթի տեմպը նվազել է, ծնունդները՝ նույնպես

Սերժ Սարգսյանի նախագահության 10 տարիներին Հայաստանից հեռացել և չի վերադարձել 380 հազար մարդ, այսինքն՝ միջինը 38 000 հոգի։

Ներկայացնում ենք արտագաղթի տվյալները՝ հենվելով Ազգային վիճակագրական ծառայության վրա․

2008 թվական – 23 100

2009 թվական – 25 000

2010 թվական – 46 700

2011 թվական – 43 800

2012 թվական – 42 800

2013 թվական – 31 200

2014 թվական – 41 700

2015 թվական – 43 400

2016 թվական – 48 200

2017 թվական – 26 900

Սերժ Սարգսյանը հայտարարում է, որ 2040-ին Հայաստանի բնակչությունը պետք է լինի 4 միլիոն։

2017 թվականին Հայաստանում գրանցվել է աննախադեպ ցածր ծնունդների թիվ՝ 37 700 երեխա։

Ռոբերտ Քոչարյանի նախագահության 10 տարիներին ևս Հայաստանից եղել է արտագաղթ, ճիշտ է, ավելի փոքր ծավալներով, իսկ 2004-2006 թվականներին՝ երեք տարի անընդմեջ, Հայաստանից հեռացածների և ժամանողների տարբերությունը եղել է դրական, այսինքն՝ մարդիկ վերադարձել են երկիր։

Ահա պաշտոնական թվերը․

1998 թվական – 24 400

1999 թվական – 7 200

2000 թվական – 57 500

2001 թվական – 60 400

2002 թվական – 2 700

2003 թվական – 10 200

2004 թվական – 2 100 դրական

2005 թվական – 12․500 դրական

2006 թվական – 21 800 դրական

2007 թվական – 3 200

Ռոբերտ Քոչարյանի նախագահության 10 տարիներին երկրից հեռացել է գրեթե 130 հազար հոգի, միջինը տարեկան՝ 13 հազար։

Շատ ավելի բարդ է ասել, թե որքան մարդ է հեռացել Հայաստանից Լևոն Տեր-Պետրոսյանի նախագահության տարիներին, քանի որ.

ա) սկզբնական շրջանում հստակ հաշվարկ չի կատարվել, ինչպես արվում է այսօր,

բ) Հայաստանում ժամանակավորապես հաստատված Խորհրդային Ադրբեջանի հայ քաղաքացիները անկախության առաջին տարիներին հիմնականում հեռացան Հայաստանից։

Ահա նաև այդ պատճառով է, որ Տեր-Պետրոսյանի ժամանակին վերագրվող արտագաղթի թվերը ավելի սարսափելի են, հատկապես 1992-ին, երբ ադրբեջանահայությունը հեռացավ։

1992 թվական – 228 600                              

1993 թվական – 141 100                              

1994 թվական – 127 800                              

1995 թվական – 37 500                              

1996 թվական – 20 500                              

1997 թվական – 31 300      

Եթե այս թվերը մոտ են իրականությանը, ապա Տեր-Պետրոսյանի նախագահության տարիներին, որոնք նաև համընկան Արցախյան պատերազմի ու էներգետիկ ճգնաժամի հետ, Հայաստանից հեռացել է 584 000 մարդ կամ միջինը տարեկան՝ 97 000։ Բայց կրկնենք, որ այս թվի մեջ մտնում են նաև Հայաստանի քաղաքացի չհանդիսացած, բայց Հայաստանում ժամանակավորապես ապաստան գտած Խորհրդային Ադրբեջանի հայ քաղաքացիները։

Խորհրդային Միության տարիներին անցկացված մարդահամարի տվյալներով՝ Հայաստանում  բնակչության թիվը կազմել է․

1926 թվական – 881 300

1939 թվական – 1 282 300

1959 թվական – 1 763 000

1970 թվական- 2 491 900

1979 թվական- 3 037 300

1989 թվական- 3 304 800

Թաթուլ Հակոբյան