ԱՄՆ-ի նախագահ Դոնալդ Թրամփը պաշտոնանկ է արել պետքարտուղար Ռեքս Թիլերսոնին, նրան կփոխարինի Կենտրոնական հետախուզական գործակալության (CIA) տնօրեն Մայք Պոմպեոն, հաղորդում է Washington Post-ը։
Հաղորդվում է, որ ուրբաթ օրը Թրամփն առաջարկել է Թիլերսոնին հեռանալ։ Վերջինս ընդհատել է աֆրիկյան շրջագայությունը և վերադարձել Վաշինգտոն։
Պոմպեոն կստանձնի պետքարտուղարի պաշտոնը։ Կենտրոնական հետախուզական գործակալության ղեկավար է դառնում կառույցի փոխտնօրեն Ջինա Հասպելը։
Թրամփը գրառում է արել Թվիթերում, որում նշել է, որ Պոմպեոն «ֆանտաստիկ գործ կանի»։ Նա շնորհակալություն է հայտնել Թիլերսոնին ծառայության համար։
Mike Pompeo, Director of the CIA, will become our new Secretary of State. He will do a fantastic job! Thank you to Rex Tillerson for his service! Gina Haspel will become the new Director of the CIA, and the first woman so chosen. Congratulations to all!
— Donald J. Trump (@realDonaldTrump) March 13, 2018
