Բաքվում մեկնարկել է Հայաստանի չորս հարևաններ Վրաստանի, Թուրքիայի, Ադրբեջանի ու Իրանի արտաքին գործերի նախարարներ Միխեիլ Ջանելիձեի, Մևլութ Չավուշօղլուի, Էլմար Մամեդյարովի և Մոհամմադ Ջավադ Զարիֆի քառակողմ հանդիպումը։
Ինչպես հաղորդում է իրանական IRNA գործակալությունը, հանդիպման օրակարգում է չորս երկրների միջև համագործակցության խթանումը՝ տարածաշրջանում խաղաղության և անվտանգության ամրապնդման, տնտեսական, էներգետիկ, տրանսպորտի, մշակութային և զբոսաշրջության ոլորտներում կապերի ամրապնդման համար։
Բաքվում Զարիֆը լրագրողներին ասել է, որ սա առաջին հանդիպումն է նման քառակողմ ձևաչափով։ Նախկինում հանդիպումներ էին եղել միայն Ադրբեջանի, Իրանի և Թուրքիայի ԱԳ նախարարների միջև։