ԱՄՆ-ը, Կանադան և եվրոպական մոտ 20 երկրներ հայտարարել են ռուսաստանցի դիվանագետների արտաքսելու մասին` «Սկրիպալի գործով» համերաշխություն հայտնելով Լոնդոնին: Ընդհանուր առմամբ տարբեր երկրներից կարտաքսվի 100 ռուսաստանցի դիվանագետ: Մոսկվան հայտարարել է համաչափ գործողություններով արձագանքելու մտադրության մասին:
Որ երկրներն են արտաքսում ՌԴ դիվանագետների
- ԱՄՆ` դիվանագիտական առաքելության 48 և ՄԱԿ-ի ներկայացուցչության 12 աշխատակից
- Ֆրանսիա` 4
- Լեհաստան` 4
- Ուկրաինա` 13
- Էստոնիա` ռազմական կցորդ
- Լիտվա` 3
- Դանիա` 2
- Լատվիա` 1
- Իտալիա` 2
- Նիդերլանդներ` 2
- Գերմանիա` 4
- Չեխիա` 3
- Կանադա` 4
- Ֆինլանդիա` 1
- Ռումինիա` 1
- Խորվաթիա` 1
- Շվեդիա` 1
- Ալբանիա` 2
- Իսպանիա` 2
- Մեծ Բրիտանիա` 23 (անցյալ շաբաթ)
Ռուսաստանի ԱԳՆ-ն արձագանքել է արևմտյան մի շարք երկրների որոշմանը. «Դիտարկում ենք տվյալ քայլը որպես ոչ բարեկամական և մարտի 4-ին տեղի ունեցած միջադեպի մեղավորներին փնտրելու և պատճառները պարզելու խնդրին չարձագանքող»:
Ռուսաստանից նաև հնչում են հայտարարություններ «դիվանագիտական պատերազմի» սկսվելու մասին:
Մարտի 4-ին Սոլսբերիում ռուսաստանցի նախկին հետախույզ Սերգեյ Սկրիպալն և նրա դուստրը հայտնաբերվել էին անգիտակից վիճակում: Ըստ բրիտանացի քննիչների՝ Սկրիպալներին թունավորել են նյարդապարալիտիկ «Նովիչոկ» նյութով, որը ստեղծվել է Ռուսաստանում և թունավորման հետևում կանգնած է Մոսկվան: Վերջինս պահանջում է ներկայացնել իր ներգրավվածությունը հաստատող ապացույցներ:
