Կոչ եմ անում դրսևորել քաղաքացիական բարձր պատասխանատվություն. Արմեն Սարգսյան

Նախագահ Արմեն Սարգսյանը կոչ է անում բոլորին` դրսևորել քաղաքացիական բարձր պատասխանատվություն, մնալ օրենքի և Սահմանադրության շրջանակներում:

 «Սիրելի հայրենակիցներ,

Այսօր Հայաստանի, Արցախի և Սփյուռքի հայության, ինչպես նաև ողջ աշխարհի ուշադրությունը սևեռվել է Երևանի վրա:

Այս վճռորոշ պահին կոչ եմ անում բոլորին՝ Ազգային ժողովի պատգամավորներին, քաղաքական ուժերին, պետական ողջ համակարգին, մեր հասարակության տարբեր շերտերին, երիտասարդներին՝ դրսևորել քաղաքացիական բարձր պատասխանատվություն և ողջախոհություն, ցանկացած քայլի և գործողության դիմելիս մնալ օրենքի և Սահմանադրության շրջանակներում՝ ի շահ մեր պետության և ժողովրդի».- ասվում է հաղորդագրությունում: