Սոչիում մեկնարկեց ՀՀ վարչապետ Նիկոլ Փաշինյանի և ԵԱՏՀ կոլեգիայի նախագահ Տիգրան Սարգսյանի հանդիպումը։
Ինչպես փոխանցում է լրագրող Թաթուլ Հակոբյանը Սոչիից, լրագրողներին թույլ տվեցին միայն լուսանկարել զրուցակիցներին։
Նիկոլ Փաշինյանի գլխավորած պատվիրակությունը Սոչիում է՝ մասնակցելու Եվրասիական տնտեսական բարձրագույն խորհրդի նիստին: Այսօր նախատեսված են նրա հանդիպումները ՌԴ, Բելառուսի, Ղրղզստանի և Ղազախստանի նախագահների հետ։ Մոլդովան նիստին մասնակցում է դիտորդի կարգավիճակով։
Փաշինյան-Պուտին հանդիպումը նախատեսված է կեսօրին Սոչիի «Ռեդիսոն Բլու» հյուրանոցում։
Երեկ Սոչի ժամանելուց հետո Փաշինյանն այցելեց Ադլերի հայկական եկեղեցի։